កម្ពុជាត្រូវពង្រឹងហេដ្ឋារចនាសម្ព័ន្ធច្រើន
ដើម្បីទទួលទេសចរដែលកើន
RFI Khmer
25-08-2013
រដ្ឋាភិបាលកម្ពុជាគួរតែបានរីករាយដោយឃើញតួលេខនៃចំនួនទេសចរ បាន បន្តកើនឡើងរហូត។ វិស័យទេសចរណ៍ ឬឧស្សាហកម្មគ្មានផ្សែងនេះហើយ ដែលជាសសរស្តម្ភមួយនៃកំណើន សេដ្ឋកិច្ចរបស់ប្រទេសកំពុងអភិវឌ្ឍន៍មួយនេះ។
គិតត្រឹមឆ្នាំ២០១០មក ដែលឆ្នាំនោះមានទេសចរបរទេសតែ២លាន៥សែននាក់ ហើយដែលបានផ្តល់ចំណូលជា១៧០០លានដុល្លារ កម្ពុជាបានទទួលចំនួនទេសចរកើនឡើងដល់២លាន៨សែននាក់ ក្នុងឆ្នាំ២០១១ និង៣លាន៥សែននាក់ ក្នុងឆ្នាំ២០១២កន្លងទៅ ជាមួយនឹងចំនូលជាង២២០០លានដុល្លារ។
ទន្ទឹមគ្នានេះ រដ្ឋាភិបាលកម្ពុជា តាមរយៈក្រសួងទេសចរណ៍ ក៏បានប៉ាន់ស្មាន និងគ្រោងទាក់ទាញចំនួនទេសចរក្នុងឆ្នាំ២០១៣នេះ អោយបាន៣លាន៧សែននាក់ ឆ្នាំ២០១៥ អោយបាន៤លាន៥សែននាក់ និងឆ្នាំ២០២០ អោយបានដល់៧លាននាក់។
នៅពេលនោះ បើយោងតាមការវាយតម្លៃរបស់ក្រសួងទេសចរណ៍ ជាមួយនឹងតួលេខចំនួនទេសចរ៧លាននាក់នេះ កម្ពុជានឹងទទួលបានចំនូលជាង៥០០០លាន និងការងារចំនួនជាង៨សែន ការងារ។
រហូតដល់ពេលនេះ ក្រាហ្វិកនៃចំនួនអ្នកទេសចរបរទេសកំពុងបន្តរត់ឡើងលើ។ កម្ពុជាក៏កំពុងបន់ស្រន់អោយក្រាហ្វិកនេះបន្តដោលឡើងលើតាម ការប៉ាន់ស្មាននៃកំណើនទេសចរដែលខ្លួនបានគិតទុកដែរ។ ប៉ុន្តែ ស្របពេលជាមួយគ្នានេះ កម្ពុជាក៏ត្រូវប្រមើលមើលទុកអំពីការដ្ឋានការងារមួយចំនួន ដែលកម្ពុជាត្រូវត្រៀមផងដែរ។ ត្រៀមដើម្បីទទួលចំនួនទេសចរដែលកើនឡើងនោះផង និងត្រៀមដើម្បីបន្តទាក់ទាញទេសចរទាំងនោះ អោយត្រឡប់មកកម្ពុជាសារជាថ្មីទៀតដែរ។
មានការងារ និងគម្រោងអភិវឌ្ឍន៍វិស័យទេសចរជាច្រើនហើយ ដែលក្រសួងទេសចរណ៍បានអនុវត្ត ហើយក៏បានទទួលជោគជ័យដែរ ដូចជា ការពង្រីកគោលដៅទេសចរណ៍ ឬការធ្វើពិពិធកម្មតំបន់ទេសចរណ៍ ការបង្កើនជើងហោះហើរផ្ទាល់ពីបរទេស និងការពង្រឹងសុវត្ថិភាព សន្តិសុខជូនដល់ទេសចរជាដើម។
ប៉ុន្តែ អ្នកជំនាញទេសចរណ៍នៅតែជំរុញអោយរដ្ឋាភិបាល ឬក្រសួងទេសចរបន្តធ្វើកិច្ចការងារមួយចំនួនអោយមានប្រសិទ្ធភាពអោយ បានឆាប់រហ័ស ដែលការងារទាំងនោះ ជាការងារដដែលៗ។
ទីមួយ គឺការពង្រឹង និងពង្រីកធនធានមនុស្សក្នុងវិស័យទេសចរណ៍នេះ។ អ្នកធ្វើការងារក្នុងវិស័យទេសចរបានរអ៊ូរទាំអំពីការខ្វះខាត អ្នកជំនាញបដិសណ្ឋារកិច្ច អ្នកជំនាញនៅតាមភោជនីយដ្ឋាន សណ្ឋាគារ និងប្រតិបត្តិករទេសចរណ៍ជាដើម។ ទាំងអស់នេះដែលបណ្តាលមកពីកម្ពុជាមិនមានសាលាជំនាញថ្នាក់ជាតិ ច្បាស់លាស់ ដែលអាចបណ្តុះបណ្តាលធនធានមនុស្សថ្មីៗប្រកបដោយគុណភាព។
ទី២ គឺការបញ្ជ្រាបអំពីការងារទេសចរណ៍ ដែលទាក់ទងនឹងការទទួលស្វាគមន៍ ទេសចរទៅដល់ប្រជាជនអោយមានប្រសិទ្ធភាព។ ជាពិសេស អ្នកភូមិដែលត្រូវផ្តល់សេវាដោយផ្ទាល់ទៅអោយអ្នកទេសចរ។ ប្រជាពលរដ្ឋទាំងនេះដែលត្រូវផ្តល់សេវាដល់អ្នកទេសចរបរទេស ត្រូវមានចំណេះចេះដឹងខ្ពស់សមល្មមមួយ ទាក់ទងនឹងអនាម័យ សីលធម៌ សុជីវធម៌ និងភាពស្មោះត្រង់ជាដើម។
ទី៣ គឺការធានាអំពីគុណភាពនៃប្រព័ន្ធផ្លូវថ្នល់។ ផ្លូវថ្នល់នៅកម្ពុជាត្រូវគេស្តីបន្ទោសថា ឆាប់បាក់បែក និងខូចដែលរំខានការធ្វើដំណើររបស់អ្នកទេសចរ។
ទាំងនេះគឺជាសេវាប្រចាំថ្ងៃដែលអ្នកទេសចរត្រូវជួបប្រទះ និងរស់នៅជាមួយនោះ។ រហូតដល់ពេលនេះ កម្ពុជានៅមិនទាន់សម្រេចកិច្ចការទាំងនេះអោយមានប្រសិទ្ធភាពនៅឡើយទេ។ ហើយថា ចាប់ពីពេលនេះទៅ កម្ពុជាត្រូវជ្រើសរើសរវាងការទទួលយកចំនួនទេសចរច្រើន តែត្រូវរៀបចំខ្លួនអោយរឹងមាំ និងការទុកបណ្តែតបណ្តោយបញ្ហាទាំងនេះ នៅបន្តរំខានអ្នកទេសចរជាតិ និងអន្តរជាតិ តែចំនួនអ្នកទេសចរនឹងធ្លាក់ចុះវិញនោះ។
និយាយសរុបមកវិញ តាមពិតទៅ កម្ពុជានៅមានការដ្ឋានការងារជាច្រើនទៀត ដែលត្រូវធ្វើ និងត្រៀមលក្ខណៈដើម្បីទទួលភ្ញៀវទេសចរបរទេស។ នេះគេនៅមិនទាន់និយាយអំពីចំនុចអវិជ្ជមានធំៗមួយចំនួន ដែលអាចបង្កឡើងដោយការកើនឡើងនៃចំនួនអ្នកទេសចរបរទេសនៅកម្ពុជា នៅឡើយទេ។ បញ្ហាទាំងនោះមានដូចជា ការនាំមកនូវវប្បធម៌បរទេស ការជូញដូរផ្លូវភេទ ពិសេសលើកុមារ ការបំផ្លាញបរិស្ថាន និងធនធានធម្មជាតិដើម៕
គិតត្រឹមឆ្នាំ២០១០មក ដែលឆ្នាំនោះមានទេសចរបរទេសតែ២លាន៥សែននាក់ ហើយដែលបានផ្តល់ចំណូលជា១៧០០លានដុល្លារ កម្ពុជាបានទទួលចំនួនទេសចរកើនឡើងដល់២លាន៨សែននាក់ ក្នុងឆ្នាំ២០១១ និង៣លាន៥សែននាក់ ក្នុងឆ្នាំ២០១២កន្លងទៅ ជាមួយនឹងចំនូលជាង២២០០លានដុល្លារ។
ទន្ទឹមគ្នានេះ រដ្ឋាភិបាលកម្ពុជា តាមរយៈក្រសួងទេសចរណ៍ ក៏បានប៉ាន់ស្មាន និងគ្រោងទាក់ទាញចំនួនទេសចរក្នុងឆ្នាំ២០១៣នេះ អោយបាន៣លាន៧សែននាក់ ឆ្នាំ២០១៥ អោយបាន៤លាន៥សែននាក់ និងឆ្នាំ២០២០ អោយបានដល់៧លាននាក់។
នៅពេលនោះ បើយោងតាមការវាយតម្លៃរបស់ក្រសួងទេសចរណ៍ ជាមួយនឹងតួលេខចំនួនទេសចរ៧លាននាក់នេះ កម្ពុជានឹងទទួលបានចំនូលជាង៥០០០លាន និងការងារចំនួនជាង៨សែន ការងារ។
រហូតដល់ពេលនេះ ក្រាហ្វិកនៃចំនួនអ្នកទេសចរបរទេសកំពុងបន្តរត់ឡើងលើ។ កម្ពុជាក៏កំពុងបន់ស្រន់អោយក្រាហ្វិកនេះបន្តដោលឡើងលើតាម ការប៉ាន់ស្មាននៃកំណើនទេសចរដែលខ្លួនបានគិតទុកដែរ។ ប៉ុន្តែ ស្របពេលជាមួយគ្នានេះ កម្ពុជាក៏ត្រូវប្រមើលមើលទុកអំពីការដ្ឋានការងារមួយចំនួន ដែលកម្ពុជាត្រូវត្រៀមផងដែរ។ ត្រៀមដើម្បីទទួលចំនួនទេសចរដែលកើនឡើងនោះផង និងត្រៀមដើម្បីបន្តទាក់ទាញទេសចរទាំងនោះ អោយត្រឡប់មកកម្ពុជាសារជាថ្មីទៀតដែរ។
មានការងារ និងគម្រោងអភិវឌ្ឍន៍វិស័យទេសចរជាច្រើនហើយ ដែលក្រសួងទេសចរណ៍បានអនុវត្ត ហើយក៏បានទទួលជោគជ័យដែរ ដូចជា ការពង្រីកគោលដៅទេសចរណ៍ ឬការធ្វើពិពិធកម្មតំបន់ទេសចរណ៍ ការបង្កើនជើងហោះហើរផ្ទាល់ពីបរទេស និងការពង្រឹងសុវត្ថិភាព សន្តិសុខជូនដល់ទេសចរជាដើម។
ប៉ុន្តែ អ្នកជំនាញទេសចរណ៍នៅតែជំរុញអោយរដ្ឋាភិបាល ឬក្រសួងទេសចរបន្តធ្វើកិច្ចការងារមួយចំនួនអោយមានប្រសិទ្ធភាពអោយ បានឆាប់រហ័ស ដែលការងារទាំងនោះ ជាការងារដដែលៗ។
ទីមួយ គឺការពង្រឹង និងពង្រីកធនធានមនុស្សក្នុងវិស័យទេសចរណ៍នេះ។ អ្នកធ្វើការងារក្នុងវិស័យទេសចរបានរអ៊ូរទាំអំពីការខ្វះខាត អ្នកជំនាញបដិសណ្ឋារកិច្ច អ្នកជំនាញនៅតាមភោជនីយដ្ឋាន សណ្ឋាគារ និងប្រតិបត្តិករទេសចរណ៍ជាដើម។ ទាំងអស់នេះដែលបណ្តាលមកពីកម្ពុជាមិនមានសាលាជំនាញថ្នាក់ជាតិ ច្បាស់លាស់ ដែលអាចបណ្តុះបណ្តាលធនធានមនុស្សថ្មីៗប្រកបដោយគុណភាព។
ទី២ គឺការបញ្ជ្រាបអំពីការងារទេសចរណ៍ ដែលទាក់ទងនឹងការទទួលស្វាគមន៍ ទេសចរទៅដល់ប្រជាជនអោយមានប្រសិទ្ធភាព។ ជាពិសេស អ្នកភូមិដែលត្រូវផ្តល់សេវាដោយផ្ទាល់ទៅអោយអ្នកទេសចរ។ ប្រជាពលរដ្ឋទាំងនេះដែលត្រូវផ្តល់សេវាដល់អ្នកទេសចរបរទេស ត្រូវមានចំណេះចេះដឹងខ្ពស់សមល្មមមួយ ទាក់ទងនឹងអនាម័យ សីលធម៌ សុជីវធម៌ និងភាពស្មោះត្រង់ជាដើម។
ទី៣ គឺការធានាអំពីគុណភាពនៃប្រព័ន្ធផ្លូវថ្នល់។ ផ្លូវថ្នល់នៅកម្ពុជាត្រូវគេស្តីបន្ទោសថា ឆាប់បាក់បែក និងខូចដែលរំខានការធ្វើដំណើររបស់អ្នកទេសចរ។
ទាំងនេះគឺជាសេវាប្រចាំថ្ងៃដែលអ្នកទេសចរត្រូវជួបប្រទះ និងរស់នៅជាមួយនោះ។ រហូតដល់ពេលនេះ កម្ពុជានៅមិនទាន់សម្រេចកិច្ចការទាំងនេះអោយមានប្រសិទ្ធភាពនៅឡើយទេ។ ហើយថា ចាប់ពីពេលនេះទៅ កម្ពុជាត្រូវជ្រើសរើសរវាងការទទួលយកចំនួនទេសចរច្រើន តែត្រូវរៀបចំខ្លួនអោយរឹងមាំ និងការទុកបណ្តែតបណ្តោយបញ្ហាទាំងនេះ នៅបន្តរំខានអ្នកទេសចរជាតិ និងអន្តរជាតិ តែចំនួនអ្នកទេសចរនឹងធ្លាក់ចុះវិញនោះ។
និយាយសរុបមកវិញ តាមពិតទៅ កម្ពុជានៅមានការដ្ឋានការងារជាច្រើនទៀត ដែលត្រូវធ្វើ និងត្រៀមលក្ខណៈដើម្បីទទួលភ្ញៀវទេសចរបរទេស។ នេះគេនៅមិនទាន់និយាយអំពីចំនុចអវិជ្ជមានធំៗមួយចំនួន ដែលអាចបង្កឡើងដោយការកើនឡើងនៃចំនួនអ្នកទេសចរបរទេសនៅកម្ពុជា នៅឡើយទេ។ បញ្ហាទាំងនោះមានដូចជា ការនាំមកនូវវប្បធម៌បរទេស ការជូញដូរផ្លូវភេទ ពិសេសលើកុមារ ការបំផ្លាញបរិស្ថាន និងធនធានធម្មជាតិដើម៕
No comments:
Post a Comment