ឥណ្ឌាបង្ហាញវត្តមាននាវាផ្ទុកយន្តហោះតម្លៃ
៥ ពាន់លានដុល្លារ
វាលឥន្ទ្រិយ ថ្ងៃទី 13 August, 2013
ឥណ្ឌាបានដាក់បង្ហាញនាវាផ្ទុកយន្តហោះ ផលិតដោយខ្លួនឯងលើកដំបូង ដែលយឺតជាងគំរោងដល់ទៅ ២ ឆ្នាំឯណោះ ។ តាម AFP នាវាផ្ទុកយន្តហោះ INS Vikrant មានទម្ងន់ផ្ទុក ៤០.០០០ តោន នឹងត្រូវបានទម្លាក់ចុះទឹកនៅទីក្រុងកំពុងផែភាគខាងត្បូង Cochin ដែលមានស្តង់ដាថ្មីមួយទាំងស្រុង អំពីទម្រង់ និងសមត្ថភាព ។
ក្រោយពេលសម្រេចការបំពាក់បរិក្ខា និងរត់សាកល្បង នាវានេះនឹងចូលបម្រើក្នុងក្របខណ្ឌយោធាជើងទឹកឥណ្ឌា នៅឆ្នាំ២០១៨ ។ តម្លៃប៉ាន់ស្មានរបស់វា គឺ ៥ ពាន់លានដុល្លារ ហើយនឹងប្រតិបតិ្តការរួមលើផ្ទៃសមុទ្រ ជាមួយនាវាផ្ទុកយន្តហោះសេនានាវិក Gorshkov ដែលឥណ្ឌាបានទិញមកពីរុស្ស៊ី ហើយដាក់ឈ្មោះថា INS Vikramaditya ។
បច្ចុប្បន្ន ក្រុងញីវដេលី មាននាវាផ្ទុកយន្តហោះវ័យ ៦០ ឆ្នាំ ដែលទិញពីអង់គ្លេស កាលពីឆ្នាំ១៩៨៧ ត្រូវបានប្តូរមកឈ្មោះ INS Viraat ៕
No comments:
Post a Comment