ចិនផ្តល់ជំនួយម៉ាស៊ីនស្កែនកុងតែន័រចំនួន៤គ្រឿង
តម្លៃជាង១៣លានដុល្លារ ដល់កម្ពុជា
VOD 20-08-2013: រដ្ឋាភិបាលប្រទេសចិន
នៅថ្ងៃចន្ទនេះ បានផ្តល់ជំនួយឥតសំណងជាម៉ាស៊ីនស្កែនកុងតែន័រចំនួន៤គ្រឿង
ដល់កម្ពុជា ដើម្បីជួយកាត់បន្ថយរយៈពេលនៃការត្រួតពិនិត្យទំនិញឆ្លងកាត់ព្រំដែន
។
ក្នុងពិធីប្រគល់ទទួលម៉ាស៊ីនស្កែនចំនួន៤គ្រឿងក្នុងទឹក
ប្រាក់ ១៣.៨០លានដុល្លារអាមេរិក នៅក្រសួងសេដ្ឋកិច្ចនាព្រឹកថ្ងៃចន្ទនេះ រដ្ឋមន្ត្រីក្រសួងសេដ្ឋកិច្ច
និងហិរញ្ញវត្ថុ លោក គាត ឈន់
ថ្លែងថា នេះជាលើកទី៣ ហើយដែលរដ្ឋាភិបាលចិន បានផ្តល់ជំនួយជាម៉ាស៊ីនស្កែនប្រភេទនេះ។
លោកថា ម៉ាស៊ីនស្កែននេះ នឹងជួយកាត់បន្ថយរយៈពេលនៃការត្រួតពិនិត្យទំនិញកាន់តែ
ឆាប់រហ័ស។
ចាប់តាំងពីឆ្នាំ២០០៦
រហូតមកដល់ឆ្នាំ២០១៣នេះ ចិនបានផ្តល់ជំនួយឥតសំណងជាម៉ាស៊ីនស្កែន
ចំនួន២២គ្រឿង ក្នុងនោះ ម៉ាស៊ីនស្កែនកុងតែន័រចំនួន៨គ្រឿង ម៉ាស៊ីនស្កែនសម្ភារៈផ្ទាល់ខ្លួនខ្នាតធំ
និងខ្នាតតូច ចំនួន៧គ្រឿង និងម៉ាស៊ីនស្កែនលើខ្លួនមនុស្សចំនួន៧គ្រឿង។
រដ្ឋមន្ត្រីការបរទេសចិន
លោក វ៉ាង យី នឹងមកបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា ចាប់ពីថ្ងៃទី២០
ដល់ថ្ងៃទី២១ ខែសីហា ខាងមុខនេះ ដែលជាថ្ងៃខួបអនុស្សាវរីយ៍លើកទី៥៥
នៃការបង្កើតទំនាក់ទំនងការទូត រវាងកម្ពុជា-ចិន។
សេចក្តីជូនព័ត៌មានបន្តថា
អំឡុងពេលបំពេញទស្សនកិច្ចនេះ លោក វ៉ាង យី នឹងជួបសំណេះសំណាលជាមួយ លោក ហ៊ុន
សែន នាយករដ្ឋមន្ត្រីនៃប្រទេសកម្ពុជា និងជួបពិភាក្សាជាមួយសហភាគីរបស់លោក គឺលោក
ហោ ណាំហុង ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេសកម្ពុជា៕
No comments:
Post a Comment