Acer បានចាប់ផ្តើមចាប់យកទីផ្សារ IT កម្ពុជា
ភ្នំពេញប៉ុស្តិ៍ ៣០-០៨-២០១៣
ភ្នំពេញៈ ក្រុមហ៊ុន Acer Computer Co Ltd ក្រុមហ៊ុន ឆាយហុកកុំព្យូទ័រ (CHC) និង PTC កុំព្យូទ័រ បានសហការគ្នាក្នុងការចាប់យកទីផ្សារ IT នៅប្រទេសកម្ពុជា។ សេចក្តីប្រកាសព័ត៌មានបានឲ្យដឹងថា ក្រុមហ៊ុន CHC និង PTC នឹងដើរតួជាអ្នកចែកចាយជាផ្លូវការសម្រាប់ក្រុមហ៊ុន Acer Computer Co Ltd ។
ភាពជាដៃគូនេះ នឹងនាំឲ្យក្រុមហ៊ុនទាំងពីរកាន់តែទទួលបានជោគជ័យឈានមុខគេលើការលក់ផលិតផល IT នៅកម្ពុជា។
លោក Alan Chiang នាយករងក្រុមហ៊ុន Acer Computer Co Ltd ឲ្យដឹងថា៖ «យើងមានមោទនភាពក្នុងការប្រកាសអំពីការសហការរបស់ខ្លួន ជាមួយក្រុមហ៊ុន CHC និង PTC ដើម្បីការចែកចាយនៅកម្ពុជា។ គោលដៅជាចម្បងគឺដើម្បីពង្រឹងនិងពង្រីកបណ្ដាញចែកចាយដែល មានអ្នកចែកចាយនិងលក់បន្តដ៏ល្អសម្រាប់ក្រុមហ៊ុនAcer»។
លោក ហុក លន់ នាយកគ្រប់គ្រងក្រុមហ៊ុន ឆាយ ហុក បានមានប្រសាសន៍ថា៖ «ក្រុមហ៊ុន ឆាយ ហុករីករាយក្នុងការចូលរួមចំណែកទីផ្សារ ITនៅកម្ពុជា។ ថ្ងៃនេះជាការបញ្ជាក់គោលជំហរដ៏ជោគជ័យថ្មីមួយទៀតសម្រាប់ Acer និងដៃគូរបស់ខ្លួន។
លោកបន្តថា ចាប់តាំងពីទីផ្សារ IT នៅកម្ពុជាបានបើកចំហដោយមានដៃគូប្រកួតប្រជែងជាច្រើនមកយើង បានស្ថិតលើវិថីដ៏ត្រឹមត្រូវដោយផ្ដល់សារៈសំខាន់ទៅលើ បណ្ដាញចែកចាយដ៏ល្អ។
លោក ហុក លន់ បន្តថា អ្នកលក់រាយបន្តនឹងទទួលបានការគាំទ្រយ៉ាងពេញទំហឹងជាមួយ ការផ្គត់ផ្គង់ផលិតផលដ៏ពេញលេញមួយ៕
No comments:
Post a Comment