អ្នកអភិរក្សនិយម គួរប្តូរប្រធានបទរិះគន់អ្នកសិល្បៈ
RFI Khmer 22-08-2013
ក្រុមអ្នកតាមដានសង្គមកម្ពុជា មិនបដិសេធចំពោះវត្តមាននៃក្រុមអ្នកអភិរក្សនោះទេ។ ការអភិរក្សត្រូវតែមាននៅក្នុងប្រទេសមួយ ដើម្បីការថែរក្សាអត្តសញ្ញាណ ប្រពៃណីទំនៀមទម្លាប់របស់ប្រទេសនោះ។ តែថា គេក៏មិនអាចរស់នៅតែជាមួយ ប្រពៃណីទំនៀមទំលាប់បុរាណនោះដែរ។ អ្នកអភិរក្សនិយម គួរតែសាកល្បងបើកចំហរគំនិតអោយទូលាយជាងនេះ ដើម្បីផ្តល់ឱកាសអោយសិល្បករ សិល្បការិនីអាចមានលទ្ធភាពបង្កើតអ្វីដែលថ្មី។
តាមពិតទៅ ប្រសិនបើ គេចង់ប្រកាន់ជំហរអភិរក្ស គេក៏គួរប្តូរប្រធានបទនៃការរិះគន់ ដែលគួរតែចាកចេញឆ្ងាយពីការតុបតែងខ្លួនរបស់ក្រុមសិល្បករ សិល្បការិនី និងមានតម្លៃជាងនេះ។ ហេតុអ្វីបានជាគេមិនរិះគន់លក្ខខណ្ឌដ៏ទាបៗ ដែលអនុញ្ញាតអោយបុគ្គលនានាអាចក្លាយជាអ្នកសិល្បៈបានយ៉ាងស្រួលនោះ? ហេតុអ្វីគេមិនរិះគន់ថា សិល្បករ សិល្បការិនីដែលជាបុគ្គលសាធារណៈ និងជាគំរូមួយនោះ គួរតែមានចំណេះដឹងខ្ពស់សមល្មមមួយ?
យ៉ាងណាក៏ដោយ ប្រសិនបើក្រុមអ្នកអភិរក្សទទួលស្គាល់ការវិវត្តនៃសង្គមនោះ គេក៏មិនអាចយកប្រពៃណីទំនៀមទំលាប់ដែលមានតម្លៃនៅក្នុងសម័យអតីត កាលនោះ មកធ្វើជាមូលដ្ឋាននៃការរិះគន់ទៅលើទិដ្ឋភាពនៃសិល្បៈសម័យបច្ចុប្បន្ន នោះទេ។ ពីព្រោះ មិនមែនអោយតែអ្វីដែលមិនដូចពីដើម គឺជាកំហុសនោះឡើយ៕
ព័ត៌មានអម្អិតមាននៅក្នុងគេហទំព័រខាងក្រោម
No comments:
Post a Comment