កំណើនសេដ្ឋកិច្ចដ៏យឺតរបស់ឥណ្ឌាត្រូវបញ្ចប់ក្នុងពេលឆាប់ៗ
ភ្នំពេញប៉ុស្តិ៍ ១៦-០៨-២០១៣៖ លោកនាយរដ្ឋមន្រ្តី ម៉ាន់ម៉ូហាន់ ស៊ីង បានថ្លែងថា កំណើនសេដ្ឋកិច្ចយឺតរបស់ឥណ្ឌានឹងត្រូវបញ្ចប់ក្នុងពេលឆាប់ៗនេះ ដោយសារតែរដ្ឋាភិបាលជំរុញបញ្ហាដែលធ្វើឲ្យគម្រោងជាច្រើនបានជាប់ គាំង បន្ធូរបន្ថយច្បាប់គ្រប់គ្រងជនបរទេស ហើយចាប់ផ្ដើមបន្តការងារកំពង់ផែ និងខ្សែផ្លូវរថភ្លើងថ្មីៗ។លោក ស៊ីង ថ្លែងនៅទីក្រុងញូវដែលី កាលពីម្សិលមិញនៅក្នុងសុន្ទរកថារំឭកថ្ងៃបុណ្យឯករាជ្យជាតិដែលបាន បញ្ចប់ការគ្រប់គ្រងក្រោមអាណានិគមនិយម អង់គ្លេសនៅឆ្នាំ ១៩៤៧ ថា៖ «កំណើនសេដ្ឋកិច្ចបានធ្លាក់ចុះនៅពេលបច្ចុប្បន្ន ហើយយើងកំពុងធ្វើការងារយ៉ាងខ្លាំងក្លាក្នុងការកែលម្អស្ថានការណ៍ នេះ»។ លោកបន្តថា ការងារសាងសង់កំពង់ផែពីរ ព្រលានយន្តហោះ ៨ គម្រោងផ្លូវដែក និងគម្រោងរបៀងឧស្សាហកម្មនឹងចាប់ផ្ដើមក្នុងរយៈពេលប៉ុន្មានខែ ខាងមុខនេះ។
លោក ស៊ីង កំពុងស្វែងរកការកែលម្អមុខមាត់របស់រដ្ឋាភិបាលរបស់លោក និងគណបក្សកំពុងកាន់អំណាច Congress party មុនពេលបោះឆ្នោតគ្រោងធ្វើនៅខែឧសភា។ ការចោទប្រកាន់មួយចំនួនពីបទពុករលួយ ដែលជាការធ្លាក់ចុះសេដ្ឋកិច្ច និងការកើនឡើងតម្លៃទំនិញ ទាំងអស់នេះជាបន្ទុកដ៏ធ្ងន់របស់រដ្ឋការលោក។
លោកបានឆ្លើយតបតាមរយៈការបង្កើតច្បាប់ប្រជានិយមក្នុងការ ពង្រីកការចែកអាហារមានតម្លៃទាបដល់អ្នកក្រីក្រ និងបន្ធូរបន្ថយច្បាប់គ្រប់គ្រងជនបរទេសដើម្បីធ្វើឲ្យរបៀបវារៈ សេដ្ឋកិច្ចដែលជាប់គាំងរស់ឡើងវិញ។
លោកលើកឡើងថា៖ «នៅក្នុងរយៈពេលប៉ុន្មានខែខាងមុខនេះ យើងនឹងមើលឃើញលទ្ធផលយ៉ាងច្បាស់នៃកិច្ចខិតខំប្រឹងប្រែងទាំងអស់ នេះក្នុងការបង្កើនការវិនិយោគ។ កំណើនរបស់យើងនឹងបង្កើនល្បឿន ឱកាសការងារថ្មីៗដែលត្រូវបានបង្កើតឡើង ហើយនិងមានការកែលម្អនៅក្នុងវិស័យហេដ្ឋារចនាសម្ព័ន្ធ»។
លោក ស៊ីង កំពុងប្រឈមជាមួយនឹងឱនភាពពាណិជ្ជកម្មដែលបន្ថយល្បឿនដល់កំណើន សេដ្ឋកិច្ចនិងអត្រាអតិផរណាកំពុងកើតឡើង។ ១១ ខែបន្ទាប់ពីឥណ្ឌាបានចាប់ផ្ដើមបន្ធូរបន្ថយការគ្រប់គ្រងលើ ការវិនិយោគផ្ទាល់ពីបរទេស និងការរឹតបន្តឹងលើទីផ្សារមូលបត្របំណុលដើម្បីជំរុញដល់ កំណើនសេដ្ឋកិច្ច ទិន្នន័យសប្ដាហ៍នេះបានបង្ហាញពីការធ្លាក់ចុះទិន្នផល ឧស្សាហកម្ម និងការកើនឡើងតម្លៃ។
របាយការណ៍របស់រដ្ឋាភិបាលបានបង្ហាញកាលពីថ្ងៃទី ១២ ខែសីហាថា ផលិតផលឧស្សាហកម្មបានធ្លាក់ចុះ ២,២ ភាគរយនៅខែមិថុនា ធៀបនឹងរយៈពេលដូចគ្នា កាលពីឆ្នាំមុន ខណៈតម្លៃទំនិញប្រើប្រាស់បានកើនឡើង ៩,៦៤ ភាគរយធៀបនឹងរយៈពេលដូចគ្នាកាលពីឆ្នាំមុននៅខែកក្កដា។ អតុល្យភាពពាណិជ្ជកម្មបានរីកកាន់តែធំរហូតដល់ ៤,៨ ភាគរយដែលមិន ធ្លាប់មានពីមុនមកនៃ GDP នៅឆ្នាំ ២០១២-២០១៣៕Bloomberg/PB
No comments:
Post a Comment