ការចាយវាយប្រចាំថ្ងៃនៅអាមេរិកកើន
ភ្នំពេញប៉ុស្តិ៍ ២៦-០៨-២០១៣
អាមេរិកៈ សេដ្ឋវិទូបានឲ្យដឹងមុនរបាយការណ៍នៅសប្ដាហ៍នេះថា ការចាយវាយរបស់អតិថិជនទំនងជាបានកើនឡើងក្នុងរយៈពេលខែទី៣ ជាប់ៗគ្នា កាលពីខែកក្កដា ខណៈការកែលម្អនៅក្នុងទីផ្សារផ្ទះ និងការងារបានជួយជំរុញដល់សេដ្ឋកិច្ចមួយផ្នែកធំ។
ការព្យាករជាមធ្យមក្នុងការអង្កេតមួយរបស់ Bloomberg ក្នុងចំណោមសេដ្ឋវិទូ ៥៩ រូបមុនតួលេខក្រសួងពាណិជ្ជកម្មនៅថ្ងៃទី ៣០ ខែសីហា បានបង្ហាញថា ការទិញទំនិញ និងសេវាបានកើនឡើង ០,៣ ភាគរយកាលពីខែមុន បន្ទាប់ពីការកើនឡើង ០,៥ ភាគរយកាលពីខែកក្កដា។
របាយការណ៍ផ្សេងទៀតទំនងជាបង្ហាញពីការកើនឡើងក្នុងការបញ្ជាទិញ សម្រាប់ទំនិញថ្លៃៗផ្សេងទៀត ក្រៅពីទំនិញដឹកជញ្ជូន (ដូចជា រថយន្តជាដើម)។
កំណើននៃការលក់ផ្ទះ និងតម្លៃនៅឆ្នាំនេះ ស្របជាមួយនឹងការងារកាន់តែច្រើន កំពុងជំរុញដល់ប្រាក់ចំណូលនៅតាមក្រុមហ៊ុនជាច្រើនដូចជា ក្រុមហ៊ុន Home Depot Inc និងក្រុមហ៊ុន Lowe’s Cos ខណៈ តម្រូវការសម្រាប់របស់ប្រើប្រាស់កើនឡើង។ ការចំណាយលើទំនិញប្រើប្រាស់ដែលមានចំនួនប្រហែល ៧០ ភាគរយនៃ សេដ្ឋកិច្ចនេះ នឹងជួយឲ្យមាននិរន្តរភាពដល់ការពង្រីកនៅក្នុងផលិតផលរោងចក្រ និងទីផ្សារពិភពលោក។
លោក Michael Brown សេដ្ឋវិទូមួយរូបនៅក្រុមហ៊ុន Wells Fargo Securities LLC រដ្ឋការ៉ូលីណាបានថ្លែងថា៖ «យើងកំពុងមើលឃើញមានឥទ្ធិពលបន្តិចបន្តួចពីទំនិញប្រើប្រាស់ និងលំនៅឋាន។ ជាមួយគ្នានេះដែរ យើងកំពុងស្ថិតក្នុងបរិយាកាសសេដ្ឋកិច្ចពិភពលោកមិនពិតប្រាកដ មួយ»។
តួលេខក្រសួងពាណិជ្ជកម្មនៅចុងសប្ដាហ៍នេះទំនងជាបាន បង្ហាញពីប្រាក់ចំណូលផ្ទាល់ខ្លួនផងដែរដោយកើនឡើងប្រមាណជា ០,២ ភាគរយ កាលពីខែកក្កដា បន្ទាប់ពីការកើនឡើង ០,៣ ភាគរយកាលពីខែមុន។
កំណើនការងារយ៉ាងរហ័សអាចជួយជំរុញដល់កំណើនប្រាក់ឈ្នួលចាំបាច់ត្រូវជំរុញដល់ការទិញលំនៅឋាន។
បើយោងតាមតួលេខរបស់ក្រសួងពាណិជ្ជកម្មដែលបានបង្ហាញកាលពីខែមុន ថា ការចំណាយនៅត្រីមាសទី២បានកើនឡើងក្នុងអត្រាប្រចាំឆ្នាំ ១,៨ ភាគរយ បន្ទាប់ពីការកើនឡើង ២,៣ ភាគរយនៅត្រីមាសទី១ នៅឆ្នាំនេះ៕
No comments:
Post a Comment