ប្រធានតំណាង UNDP ប្រចាំកម្ពុជា
ប្រកាសរាជរដ្ឋាភិបាលកម្ពុជា ដឹកនាំដោយសម្ដេច តេជោ ហ៊ុន សែន
CEN 16-08-2013: លោកស្រី
Claire Van der Vearen អ្នកសម្របសម្រួលអង្គការសហប្រជាជាតិ
និងជាតំណាងអង្គការ UNDP ប្រចាំព្រះរាជាណាចក្រកម្ពុជា បានសំដែងនូវការគាំទ្ររាជរដ្ឋាភិបាលកម្ពុជា
ដឹកនាំដោយសម្ដេចអគ្គមហាសេនាបតីតេជោ ហ៊ុន សែន និងពេញចិត្ត និងបន្តកិច្ចសហប្រតិបត្តិការជាមួយរាជរដ្ឋាភិបាលកម្ពុជាតទៅមុខទៀត។
លោកស្រី Claire Van der Vearen បានលើកឡើងបែបនេះ
នៅក្នុងជំនួបជាមួយលោក សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមប្រន្ត្រីនៅព្រឹកថ្ងៃទី
១៦ ខែសីហា វិមាន មិត្តភាព។
លោក ឯក ថា អនុប្រធាននាយកដ្ឋានព័ត៌មានទីស្តីការគណៈរដ្ឋមន្ត្រីបានមានប្រសាសន៍ឲ្យ ដឹងថា លោកស្រី Claire Van der Vearen តំណាងអង្គការ UNDP បានលើកឡើងបង្ហាញថា សហគមន៍អន្តរជាតិនៅតែបន្តការគាំទ្ររាជរដ្ឋាភិបាលកម្ពុជា ដឹកនាំដោយសម្ដេចអគ្គមហាសេនាបតីតេជោ ហ៊ុន សែន។
លោកស្រីបានបន្តទៀតថា អង្គការ UNDP កំពុងសំឡឹងមើលកម្ពុជា ដើម្បីជួយអភិវឌ្ឍន៍ផ្នែកធនធានមនុស្សហើយអង្គការ UNDP នឹង បន្តការធ្វើការជាមួយរាជរដ្ឋាភិបាលកម្ពុជា ក្នុងកិច្ចសហប្រតិបត្តិការ លើវិស័យអប់រំ សុខាភិបាល និងការកាត់បន្ថយភាពក្រីក្រកន្លងមក។
លោក ឯក ថា អនុប្រធាននាយកដ្ឋានព័ត៌មានទីស្តីការគណៈរដ្ឋមន្ត្រីបានមានប្រសាសន៍ឲ្យ ដឹងថា លោកស្រី Claire Van der Vearen តំណាងអង្គការ UNDP បានលើកឡើងបង្ហាញថា សហគមន៍អន្តរជាតិនៅតែបន្តការគាំទ្ររាជរដ្ឋាភិបាលកម្ពុជា ដឹកនាំដោយសម្ដេចអគ្គមហាសេនាបតីតេជោ ហ៊ុន សែន។
លោកស្រីបានបន្តទៀតថា អង្គការ UNDP កំពុងសំឡឹងមើលកម្ពុជា ដើម្បីជួយអភិវឌ្ឍន៍ផ្នែកធនធានមនុស្សហើយអង្គការ UNDP នឹង បន្តការធ្វើការជាមួយរាជរដ្ឋាភិបាលកម្ពុជា ក្នុងកិច្ចសហប្រតិបត្តិការ លើវិស័យអប់រំ សុខាភិបាល និងការកាត់បន្ថយភាពក្រីក្រកន្លងមក។
លោកស្រីបានវាយតម្លៃខ្ពស់ចំពោះការវិវត្តន៍
រីកចំរើន ក្នុងប្រទេសកម្ពុជា លើវិស័យអប់រំ សុខាភិបាល និងការកាត់បន្ថយភាពក្រីក្រ។
លោកស្រីក៏បានសំដែងនូវការពេញចិត្ត និង កោតសរសើរចំពោះរាជរដ្ឋាភិបាលកម្ពុជាដែលបានរៀបចំកិច្ចប្រជុំ
គណៈកម្មាធិការបេតិកភ័ណ្ឌពិភពលោកលើកទី ៣៧ កន្លងមកបានទទួលជោគជ័យ។
ជាការ ឆ្លើយតប លោកឧបនាយករដ្ឋមន្ត្រី
សុខ អាន បានសំដែងនូវការស្វាគមន៍ នឹងបន្តកិច្ចសហប្រតិបត្តិការដ៏ល្អជាមួយអង្គការ
UNDP និងជួយរកវិធីយ៉ាងណា
ឱ្យមានសុដុមបណីយកម្មជាមួយគ្នា លើការជួយបណ្ដុះបណ្ដាលធនធានមនុស្សបន្ថែមទៀត
ជាមួយក្រសួងអប់រំយុវជន និងកីឡា និងក្រសួងការងារ និងបណ្ដុះបណ្ដាលវិជ្ជាជីវៈ
ឱ្យបានល្អនិងមានភាពរលូន។
លោកឧបនាយករដ្ឋមន្ត្រី បានជំរាបជូនភ្ញៀវពីការរីកចំរើនលើវិស័យទេសចរណ៍ នៅកម្ពុជា មានកំណើនភ្ញៀវទេសចរជារៀងរាល់ឆ្នាំ ២០ ភាគរយក្នុង ១ ឆ្នាំមកទស្សនាកម្ពុជា បានទទួលចំណូលច្រើនពីវិស័យទេសចរណ៍បានចូលរួមចំណែក ១២ ភាគរយ នៃផលិតផលក្នុងស្រុក។
លោកបានបន្តជម្រាបជូនភ្ញៀវទៀតថា នៅខែតុលា ឆ្នាំ២០១៣ នេះតុលាការយុត្តិធម៌អន្តរជាតិ (ICJ) នឹងចេញសេចក្ដីសម្រេចចិត្តស្ដីពីការ បកស្រាយសាលក្រមវិនិច្ជ័យដីនៅតំបន់ប្រាសាទព្រះវិហារ តាមការស្នើសុំរបស់ប្រទេសកម្ពុជា។ នៅពេល (ICJ) ចេញសេចក្ដីសម្រេចចិត្តស្ដីពី ការបកស្រាយសាលក្រមវិនិច្ជ័យដី នៅតំបន់ប្រាសាទព្រះវិហារយើង មានគម្រោងអភិវឌ្ឍន៍ជាច្រើននៅតំបន់ប្រាសាទព្រះវិហារ និងមានប្រទេសជប៉ុន ចិន និង ឥណ្ឌា បានចាប់ អារម្មណ៍លើគម្រោងអភិវឌ្ឍន៍តំបន់ប្រាសាទព្រះវិហារ របស់រាជរដ្ឋាភិបាលកម្ពុជា នៅពេលខាងមុខ៕
លោកឧបនាយករដ្ឋមន្ត្រី បានជំរាបជូនភ្ញៀវពីការរីកចំរើនលើវិស័យទេសចរណ៍ នៅកម្ពុជា មានកំណើនភ្ញៀវទេសចរជារៀងរាល់ឆ្នាំ ២០ ភាគរយក្នុង ១ ឆ្នាំមកទស្សនាកម្ពុជា បានទទួលចំណូលច្រើនពីវិស័យទេសចរណ៍បានចូលរួមចំណែក ១២ ភាគរយ នៃផលិតផលក្នុងស្រុក។
លោកបានបន្តជម្រាបជូនភ្ញៀវទៀតថា នៅខែតុលា ឆ្នាំ២០១៣ នេះតុលាការយុត្តិធម៌អន្តរជាតិ (ICJ) នឹងចេញសេចក្ដីសម្រេចចិត្តស្ដីពីការ បកស្រាយសាលក្រមវិនិច្ជ័យដីនៅតំបន់ប្រាសាទព្រះវិហារ តាមការស្នើសុំរបស់ប្រទេសកម្ពុជា។ នៅពេល (ICJ) ចេញសេចក្ដីសម្រេចចិត្តស្ដីពី ការបកស្រាយសាលក្រមវិនិច្ជ័យដី នៅតំបន់ប្រាសាទព្រះវិហារយើង មានគម្រោងអភិវឌ្ឍន៍ជាច្រើននៅតំបន់ប្រាសាទព្រះវិហារ និងមានប្រទេសជប៉ុន ចិន និង ឥណ្ឌា បានចាប់ អារម្មណ៍លើគម្រោងអភិវឌ្ឍន៍តំបន់ប្រាសាទព្រះវិហារ របស់រាជរដ្ឋាភិបាលកម្ពុជា នៅពេលខាងមុខ៕
No comments:
Post a Comment