ក្រុមប្រឹក្សាធម្មនុញ្ញអាចសម្រេចឲ្យ គជប
បើកកញ្ចប់សុវត្ថិភាព" ក " មួយចំនួនដើម្បីផ្ទៀងផ្ទាត់
កោះសន្តិភាព
២២-០៨-២០១៣
ដោយផ្អែកលើច្បាប់ស្តីពីការរៀបចំ
និងការប្រព្រឹត្តទៅនៃក្រុមប្រឹក្សាធម្មនុញ្ញ ច្បាប់ស្តីពីការបោះឆ្នោតជ្រើសតំាងតំណាងរាស្រ្ត
បទបញ្ជាផ្ទៃក្នុងស្តីពីនីតិវិធីត្រូវអនុវត្តនៅមុខ ក្រុមប្រឹក្សាធម្មនុញ្ញ
និង ផ្អែកលើបទបញ្ជានិងនីតិវិធីសម្រាប់ការបោះឆ្នោតជ្រើសតំាងតំណាងរាស្រ្ត នីតិកាលទី៥
ក្រុមប្រឹក្សាធម្មនុញ្ញអាចសម្រេចឲ្យគណៈកម្មាធិការជាតិរៀបចំការ បោះឆ្នោត (
គជប) បើកកញ្ចប់សុវត្ថិភាព "ក" មួយចំនួនដើម្បីធ្វើការផ្ទៀងផ្ទាត់ ។ នេះបើយោងតាមសេចក្តីប្រកាសព័ត៌មានរបស់អគ្គលេខាធិការដ្ឋានក្រុម
ប្រឹក្សាធម្មនុញ្ញ ដែលចេញផ្សាយជាសាធារណៈនៅថ្ងៃទី២២ សីហា ២០១៣នេះ ។
គួរបញ្ជាក់ថា
ក្នុងកញ្ចប់សុវត្ថិភាព "ក"
គឺជាកញ្ចប់ដាក់ឯកសារសំណៅដើមដែលក្នុងនោះរួមមាន៖
-ស្រោមសំបុត្រទម្រង់ ១១០១មួយច្បាប់ ១១០២មួយច្បាប់ និង១១០៨មួយច្បាប់
សម្រាប់ផ្ញើជូន គជប
-ស្រោមសំបុត្រដាក់បញ្ជីឈ្មោះដែលត្រូវប្រើក្នុងការបោះឆ្នោត
-ស្រោមសំបុត្រតូចដាក់ត្រាសម្ងាត់
-ស្រោមសំបុត្រដាក់សន្លឹកឆ្នោតខូច
-ស្បោងផ្លាស្ទិចដាក់សន្លឹកឆ្នោតមិនបានប្រើ និង
គល់បញ្ជីសន្លឹកឆ្នោតដែលបានប្រើ
-ស្រោមសំបុត្រដាក់សន្លឹកឆ្នោតមិនត្រឹមត្រូវដែលបានដកហូត (ប្រសិនបើមាន)
-ស្រោមសំបុត្រដាក់ឯកសារភស្តុតាងដែលបានដកហូត
-ស្បោងផ្លាស្ទិចដាក់សន្លឹកឆ្នោតបានការ ស្រោមសំបុត្រដាក់សន្លឹកឆ្នោតមិនបានការ
ផ្ទាំងក្រដាសធំកត់ត្រាសំឡេងឆ្នោតនិងស្រោមសំបុត្រដាក់វត្ថុមិនមែន ជាសន្លឹកឆ្នោត
ជាការកត់សម្គាល់
កញ្ចប់សុវត្ថិភាព "ក" នេះត្រូវគណបក្សប្រឆាំង បានស្នើឲ្យ គជប បើកដើម្បីផ្ទៀងផ្ទាត់សន្លឹកឆ្នោត
ប៉ុន្តែត្រូវបានច្រានចោលដោយ គជប ។
បើតាមសេចក្តីប្រកាសព័ត៌មានរបស់អគ្គលេខាធិការដ្ឋាន
ក្រុមប្រឹក្សាធម្មនុញ្ញដដែលក៏បានបញ្ជាក់ឲ្យដឹងដែរថា មកដល់ពេលនេះក្រុមប្រឹក្សាធម្មនុញ្ញបានទទួលពាក្យបណ្តឹងសរុប៣៩
ក្នុងនោះក្រុមប្រឹក្សាធម្មនុញ្ញបានដោះស្រាយរួចចំនួន ២៤បណ្តឹង ។ ក្រុមប្រឹក្សាធម្មនុញ្ញកំពុងពិនិត្យពិចារណា
និង ស៊ើបអង្កេតចំនួន១៥ពាក្យបណ្តឹង ដែលសុទ្ឋសឹងជាបណ្តឹងតវ៉ាលើលទ្ឋផលបណ្តោះអាសន្ននៃការបោះឆ្នោត
ហើយក្រុមប្រឹក្សាធម្មនុញ្ញអាចនឹងបើកសវនាការជាសាធារណៈនៅពេលខាងមុខ ៕
No comments:
Post a Comment