គជប ៖
ភាពមិនប្រក្រតីនៃកញ្ចប់សុវត្ថិភាព ក នៅខេត្តក្រចេះ មិនប៉ះពាល់ដល់លទ្ធផលបោះឆ្នោតទេ
CEN August 25, 2013
ភ្នំពេញ: ក្នុងសន្និសីទកាសែត
កាលពីព្រលប់ថ្ងៃទី២៥ ខែសីហា ឆ្នាំ២០១៣ នៅទីស្តីការគជប លោក ទេព នីថា
អគ្គលេខាធិការ គជប បានប្រកាសថា ការផ្ទៀងផ្ទាត់លើកញ្ចប់សុវត្ថិភាព ក នៅ ១៣
ការិយាល័យបោះឆ្នោត ក្នុងមណ្ឌលខេត្តក្រចេះ កាលពីព្រឹកថ្ងៃអាទិត្យ ទី២៥សីហា គឺមិនប៉ះពាល់ដល់លទ្ធផលនៃការបោះឆ្នោតទេ។
ចំពោះករណីថា មានកញ្ចប់សុវត្ថិភាព ក មួយចំនួន
មិនត្រូវបានបិទឲ្យត្រឹមត្រូវនោះ គឺជាកំហុសបច្ចេកទេសរបស់មន្ត្រីនៅការិយាល័យបោះឆ្នោតទាំងនោះ។
លោក ទេព នីថា បានបញ្ជាក់ថា
ពាក់ព័ន្ធនឹងភាពមិនប្រក្រតី ដែលគណបក្សសង្គ្រោះជាតិ បានលើកឡើង
នៅពេលបើកកញ្ចប់សុវត្ថិភាព ក នៅព្រឹកថ្ងៃអាទិត្យនេះ
គឺមិនប៉ះពាល់ទៅដល់លទ្ធផលបោះឆ្នោតទេ។ ពាក់ព័ន្ធនឹងកំហុសបច្ចេកទេស
និងភាពមិនប្រក្រតី ដែលគណបក្សប្រឆាំង បានលើកឡើងនោះ គឺលទ្ធផលសំឡេងឆ្នោត
មិនខុសទេ គឺនៅដដែល។
លោក ទេព នីថា បានបញ្ជាក់ថា
ពាក់ព័ន្ធនឹងកំហុសឆ្គងបច្ចេកទេសនេះ គជប នឹងធ្វើការស្រាវជ្រាវ
ហើយចាត់វិធានការចំពោះអ្នកប្រព្រឹត្ត ដែលនាំឲ្យមានកំហុស ក្នុងការមិនបានបិទកញ្ចប់សុវត្ថិភាពឲ្យបានត្រឹមត្រូវ។
លោក ទេព នីថា បញ្ជាក់ថា គជប អនុវត្តទៅតាមតែអ្វីដែលក្រុមប្រឹក្សាធម្មនុញ្ញ បានសម្រេច ហើយកញ្ចប់សុវត្ថិភាព ក គឺមិនមានអាថ៌កំបាំងអ្វីទេ។
ទាក់ទង នឹងកំហុសបច្ចេកទេស ដែលមន្ត្រីរៀបចំការបោះឆ្នោត នៅតាមការិយាល័យបោះឆ្នោត ប្រព្រឹត្ត ដោយមិនបានបិទកញ្ចប់សុវត្ថិភាព ក ឲ្យបានត្រឹមត្រូវនោះ ក៏ត្រូវបានលោក ទេព នីថា បញ្ជាក់ថា មកពីការបណ្តុះបណ្តាលមន្ត្រីរៀបចំការបោះឆ្នោត មានរយៈពេលខ្លីពេក ហើយការធ្វើការងារបោះឆ្នោត គឺមិនអាចល្អ ១០០% ទេ។ ប៉ុន្តែការបោះឆ្នោតនៅកម្ពុជា មានតម្លាភាពមួយ មិនអាចកេងបន្លំបានទេ ព្រោះបោះឆ្នោតហើយ រាប់សន្លឹកឆ្នោតភ្លាម។
លោក ទេព នីថា បញ្ជាក់ថា គជប អនុវត្តទៅតាមតែអ្វីដែលក្រុមប្រឹក្សាធម្មនុញ្ញ បានសម្រេច ហើយកញ្ចប់សុវត្ថិភាព ក គឺមិនមានអាថ៌កំបាំងអ្វីទេ។
ទាក់ទង នឹងកំហុសបច្ចេកទេស ដែលមន្ត្រីរៀបចំការបោះឆ្នោត នៅតាមការិយាល័យបោះឆ្នោត ប្រព្រឹត្ត ដោយមិនបានបិទកញ្ចប់សុវត្ថិភាព ក ឲ្យបានត្រឹមត្រូវនោះ ក៏ត្រូវបានលោក ទេព នីថា បញ្ជាក់ថា មកពីការបណ្តុះបណ្តាលមន្ត្រីរៀបចំការបោះឆ្នោត មានរយៈពេលខ្លីពេក ហើយការធ្វើការងារបោះឆ្នោត គឺមិនអាចល្អ ១០០% ទេ។ ប៉ុន្តែការបោះឆ្នោតនៅកម្ពុជា មានតម្លាភាពមួយ មិនអាចកេងបន្លំបានទេ ព្រោះបោះឆ្នោតហើយ រាប់សន្លឹកឆ្នោតភ្លាម។
សូមរម្លឹកថា បន្ទាប់ពីពិនិត្យផ្ទៀងផ្ទាត់ឯកសារលទ្ធផលបោះឆ្នោត
តាមរយៈការបើកកញ្ចប់សុវត្ថិភាព ក នៅ ១៣ ការិយាល័យបោះឆ្នោត ក្នុងឃុំស្វាយជ្រះ
ខេត្តក្រចេះ អស់ពេលជាង ២ ម៉ោង គិតចាប់ពីម៉ោង ៨ ព្រឹក គឺមកដល់ម៉ោងជាង ១០
ព្រឹក ថ្ងៃអាទិត្យនេះ គជប បានបិទបញ្ចប់ដំណើរការនោះ។
ការពិនិត្យផ្ទៀងផ្ទាត់កញ្ចប់សុវត្ថិភាព ក នោះ
គឺមានការពិនិត្យផ្ទៀងផ្ទាត់លើទម្រង់លទ្ធផលបោះឆ្នោត ១១០២ ១១០៤ និង១១០៨។
ក្នុងពេលពិនិត្យកញ្ចប់សុវត្ថិភាព
ក ទាំង ១៣ នោះ គឺមាន ៦ កញ្ចប់ បើកចំហរស្រាប់ ដោយមិនមានចងមាត់ ត្រឹមត្រូវ
និងមាន ៧ កញ្ចប់ មានចង ខ្លុមបេ ត្រឹមត្រូវ។
តំណាងគណបក្សសង្គ្រោះជាតិ លោក គួយ
ប៊ុនរឿន បានអះអាងប្រាប់អ្នកកាសែត ក្នុងពេលបញ្ចប់ការពិនិត្យផ្ទៀងផ្ទាត់នោះថា
កញ្ចប់សុវត្ថិភាព ក នៅការិយាល័យបោះឆ្នោតទាំង ១៣ ការិយាល័យនោះ គឺមានភាពមិនប្រក្រតីទាំងអស់
ដែលនាំឲ្យប៉ះពាល់ដល់លទ្ធផលបោះឆ្នោត របស់គណបក្សសង្គ្រោះជាតិ
នៅខេត្តក្រចេះ។ ពោលគឺគណបក្សសង្គ្រោះជាតិ នឹងត្រូវទទួលបានកៅអីមួយថែមទៀត
លើកៅអី ដែលខ្លួនបានទទួល ១ និងគណបក្សប្រជាជនកម្ពុជា ទទួល ២ អាសនៈ។
លោក គួយ ប៊ុនរឿន បានស្នើឲ្យក្រុមប្រឹក្សាធម្មនុញ្ញ ដោះស្រាយបណ្តឹងរបស់គណបក្សសង្គ្រោះជាតិ ទាំង ១៥ បណ្តឹង នៅក្នុងខេត្តរាជធានី ដែលខ្លួនបានដាក់ទៅក្រុមប្រឹក្សាធម្មនុញ្ញ។ ពេលនោះ នឹងមានការប្រែប្រួលអាសនៈរបស់គណបក្សប្រឆាំងនេះ។
ចំណែកលោក ព្រហ្ម ញាណវិចិត្រ សមាជិកក្រុមប្រឹក្សាធម្មនុញ្ញ និងជាអ្នកនាំពាក្យ បានថ្លែងទៅកាន់ក្រុមអ្នកកាសែតថា ក្រុមប្រឹក្សាធម្មនុញ្ញ ដែលជាស្ថាប័នកំពូល ចុងក្រោយដោះស្រាយបណ្តឹងបោះឆ្នោត នឹងធ្វើការដោះស្រាយបណ្តឹង ឲ្យមានតម្លាភាព និងច្បាស់លាស់ទាំងអស់គ្នា។
លោក គួយ ប៊ុនរឿន បានស្នើឲ្យក្រុមប្រឹក្សាធម្មនុញ្ញ ដោះស្រាយបណ្តឹងរបស់គណបក្សសង្គ្រោះជាតិ ទាំង ១៥ បណ្តឹង នៅក្នុងខេត្តរាជធានី ដែលខ្លួនបានដាក់ទៅក្រុមប្រឹក្សាធម្មនុញ្ញ។ ពេលនោះ នឹងមានការប្រែប្រួលអាសនៈរបស់គណបក្សប្រឆាំងនេះ។
ចំណែកលោក ព្រហ្ម ញាណវិចិត្រ សមាជិកក្រុមប្រឹក្សាធម្មនុញ្ញ និងជាអ្នកនាំពាក្យ បានថ្លែងទៅកាន់ក្រុមអ្នកកាសែតថា ក្រុមប្រឹក្សាធម្មនុញ្ញ ដែលជាស្ថាប័នកំពូល ចុងក្រោយដោះស្រាយបណ្តឹងបោះឆ្នោត នឹងធ្វើការដោះស្រាយបណ្តឹង ឲ្យមានតម្លាភាព និងច្បាស់លាស់ទាំងអស់គ្នា។
ក្រុមប្រឹក្សាធម្មនុញ្ញ នឹងខិតខំ
ប្រឹងប្រែង ដោះស្រាយបណ្តឹងរបស់គណបក្សសង្គ្រោះជាតិ ឲ្យបានមុន ថ្ងៃកំណត់
ដែលគជប ត្រូវប្រកាសលទ្ធផលបោះឆ្នោត ផ្លូវការ យ៉ាងយូរ ត្រឹមថ្ងៃទី៨ ខែកញ្ញា
ឆ្នាំ២០១៣។
សូមរម្លឹកថា គជប បានចាប់ផ្តើមបើកកញ្ចប់សុវត្ថិភាព ក កាលពីម៉ោង ៨ ព្រឹក ថ្ងៃអាទិត្យ ទី២៥ ខែសីហា ឆ្នាំ២០១៣ នៅទីស្តីការគជប ដើម្បីពិនិត្យផ្ទៀងផ្ទាត់លទ្ធផលបោះឆ្នោត នៅមណ្ឌលការិយាល័យបោះឆ្នោតមួយចំនួន នៅខេត្តក្រចេះ។
សូមរម្លឹកថា គជប បានចាប់ផ្តើមបើកកញ្ចប់សុវត្ថិភាព ក កាលពីម៉ោង ៨ ព្រឹក ថ្ងៃអាទិត្យ ទី២៥ ខែសីហា ឆ្នាំ២០១៣ នៅទីស្តីការគជប ដើម្បីពិនិត្យផ្ទៀងផ្ទាត់លទ្ធផលបោះឆ្នោត នៅមណ្ឌលការិយាល័យបោះឆ្នោតមួយចំនួន នៅខេត្តក្រចេះ។
ការបើក កញ្ចប់សុវត្ថិភាព ក
នៅក្នុងការិយាល័យបោះឆ្នោត ចំនួន ១៣ ការិយាល័យ នៅឃុំស្វាយជ្រះ ខេត្តក្រចេះ ដើម្បីពិនិត្យផ្ទៀងផ្ទាត់លទ្ធផលបោះឆ្នោត
ស្របតាមការសម្រេចរបស់ក្រុមប្រឹក្សាធម្មនុញ្ញ។ ការទាមទារឲ្យបើកកញ្ចប់សុវត្ថិភាពនោះ
គឺគណបក្សសង្គ្រោះជាតិ បានដាក់ពាក្យប្តឹង ដើម្បីឲ្យគជប ផ្ទៀងផ្ទាត់ឡើងវិញនូវលទ្ធផលបោះឆ្នោត។
ការបើកកញ្ចប់ សុវត្ថិភាព ក
ជាលើកដំបូង នៅព្រឹកនេះ នៅគជប មានការចូលរួមពីតំណាងគណបក្សប្រជាជនកម្ពុជា
គណបក្សសង្គ្រោះជាតិ គណបក្សហ្វ៊ុនស៊ិនប៉ិនច អ្នកសង្កេតការណ៍ជាតិ អន្តរជាតិ
អ្នកកាសែត និងមានតំណាងពីក្រុមប្រឹក្សាធម្មនុញ្ញ ចូលរួមពិនិត្យ និងស៊ើបអង្កេត។
កញ្ចប់សុវត្ថិភាព ក មានឯកសារ
និងសម្ភារៈបោះឆ្នោត ដែលរួមមានជាអាទិ៍ សន្លឹកឆ្នោត បញ្ជីបោះឆ្នោត
ទម្រង់រាប់សន្លឹកឆ្នោត ១១០២ ១១០៤ និងទម្រង់ ១១០៨ ជាដើម៕
No comments:
Post a Comment