ក្រុមប្រឹក្សាធម្មនុញ្ញ
ជាទឹកចុងក្រោយ នៃដំណោះស្រាយតាមផ្លូវច្បាប់ សម្រាប់បក្សប្រឆាំង
RFI 20-08-2013: ក្រុមប្រឹក្សាធម្មនុញ្ញដែលជាស្ថាប័នកំពូល សម្រាប់ដោះស្រាយការបោះឆ្នោតនោះ នឹងចាប់ផ្តើមកោះប្រជុំ នៅថ្ងៃទី២០ សីហានេះ ដើម្បីស្វែងរកយុត្តិធម៌ជូនគូរបដិបក្ខ ដែលមិនទទួលស្គាល់ការដោះស្រាយរបស់គណៈកម្មាធិការជាតិរៀបចំការ បោះឆ្នោត។ គណបក្សសង្គ្រោះជាតិដែលជាដើមបណ្តឹង មានបុរេវិនិច្ឆ័យជារួចស្រាច់ហើយថា ក្រុមប្រឹក្សាធម្មនុញ្ញនឹងមិនអាចរកភាពយុត្តិធម៌ ឆ្លើយតបទៅនឹងការចង់បានរបស់ខ្លួនបានទេ។ ប៉ុន្តែគណបក្សនេះនៅតែប្តឹងទាស់ ទៅក្រុមប្រឹក្សាធម្មនុញ្ញដដែលដើម្បីជាការបង្គ្រប់កិច្ច។ យ៉ាងណាក៏ដោយអង្គកាសង្គមស៊ីវិល បានស្នើឱ្យក្រុមប្រឹក្សាធម្មនុញ្ញ ឈរលើមនសិការ និងឆន្ទៈក្នុងការដោះស្រាយបណ្ដឹង ដោយភាពយុត្តិធម៌បំផុតសម្រាប់ពលរដ្ឋខ្មែរដែលជាម្ចាស់ឆ្នោត។
No comments:
Post a Comment