គ.ជ.ប បង្ហាញពីមូលហេតុនៃការប្រកាសលទ្ធផលបណ្តោះអាសន្នយឺត
កោះសន្តិភាព ១៤-០៨-២០១៣៖ គណៈកម្មាធិការជាតិរៀបចំការបោះឆ្នោត
(គ.ជ.ប) បានចេញលិខិតមួយច្បាប់ក្នុងគោលបំណងបង្ហាញពីគោលជំហររបស់ខ្លួន ក្នុងការប្រកាសលទ្ធផលបណ្តោះអាសន្ននៃការបោះឆ្នោតជ្រើសតាំង តំណាងរាស្ត្រនីតិកាលទី៥
ដែលមានភាពយឺតយ៉ាវ ។
ក្នុងលិខិតរបស់ គ.ជ.ប ឱ្យដឹងថា ក្រោយពីបានត្រួតពិនិត្យនិងផ្ទៀងផ្ទាត់របាយការណ៍នៃភាពមិន ប្រក្រតីដែលបានទទួលក៏បានចេញរបាយការណ៍មួយដែលបញ្ជាក់ថា ភាពមិនប្រក្រតីទាំងនោះមិនមានផលប៉ះពាល់អ្វីធ្ងន់ធ្ងរឡើយ
។ ម្យ៉ាងទៀតក្នុងរបាយការណ៍ក៏បានលើកឡើងថា មានករណីមួយចំនួនធំត្រូវបានភាគីពាក់ព័ន្ធដាក់ពាក្យបណ្តឹង ប្តឹងមកគណៈកម្មការរៀបចំការបោះឆ្នោតគ្រប់លំដាប់តាមឋានា នុក្រម
ហើយគណៈកម្មការរៀបចំការបោះឆ្នោតគ្រប់លំដាប់ថ្នាក់ បានលើកយកបណ្តឹងទាំងនោះមកធ្វើការត្រួតពិនិត្យដោះស្រាយ និងសម្រេចសេចក្តីក្នុងក្របខណ្ឌច្បាប់បោះឆ្នោត
បទបញ្ជា និងនីតិវិធីនៃការបោះឆ្នោតរួចហើយ
។
ទោះជាយ៉ាងណាក្តី គ.ជ.ប បានចាត់ទុករបាយការណ៍ពីភាពមិនប្រក្រតីដែលបាន ទទួលទាំងអស់នេះ ជាឯកសារសំខាន់និងមានតម្លៃសម្រាប់សិក្សាស្រាវជ្រាវ ជាមេរៀនពិសោធន៍សម្រាប់កែលម្អការរៀបចំការបោះឆ្នោតក្រោយៗទៀត ឱ្យល្អប្រសើរ
។ លិខិតរបស់គ.ជ.ប បន្តថា
តាមប្រតិទិនត្រូវប្រកាសលទ្ធផលបណ្តោះអាសន្ននៅថ្ងៃទី១០
សីហា ប៉ុន្តែដោយសារពេលនោះរបាយការណ៍អំពីភាពមិនប្រក្រតី ក្នុងថ្ងៃបោះឆ្នោតសម្រាប់ការបោះឆ្នោតជ្រើសតាំងតំណាងរាស្ត្រនីតិ កាលទី៥
មិនទាន់ចប់សព្វគ្រប់ទើប គ.ជ.ប
សម្រេចប្រកាសលទ្ធផលបណ្តោះអាសន្ននៅថ្ងៃនេះ(១២ សីហា
ឆ្នាំ២០១៣) ។
សូមរំលឹកថា គណៈកម្មាធិការជាតិរៀបចំការបោះឆ្នោត (គ.ជ.ប)បានប្រកាសលទ្ធផលបណ្តោះអាសន្នតាមរាជធានី-ខេត្តទូ ទាំងប្រទេសកាលពីព្រឹកថ្ងៃទី១២
សីហា តាមទូរទស្សន៍ជាតិកម្ពុជា
វិទ្យុជាតិ
FM96 MHz និងវិទ្យុវត្តភ្នំ FM105.70MHz ។ ក្រោយពី គ.ជ.ប
ប្រកាសលទ្ធផលបណ្តោះអាសន្នរួច
គណបក្សប្រឆាំងដឹកនាំដោយលោកកឹម សុខា ក៏បានធ្វើសន្និសីទសារព័ត៌មានប្រកាសមិនទទួលយកលទ្ធ ផលបណ្តោះអាសន្ននេះ ដោយទទូចស្នើសុំឱ្យបង្កើតគណៈកម្មការចម្រុះមួយ ដើម្បីសើុបអង្កេតភាពមិនប្រក្រតីដែលបានកើតឡើងក្នុងថ្ងៃបោះឆ្នោត ដោយមានភាគីគណបក្សនយោបាយទាំងពីរ
អង្គការសង្គមស៊ីវិល និងអង្គការសហប្រជាជាតិជាអ្នកសង្កេតការណ៍ ។
តាមច្បាប់បោះឆ្នោត គ្រប់គណបក្សនយោបាយដែលបានឈរឈ្មោះបោះឆ្នោតអាចប្តឹងតវ៉ាអំពីលទ្ធ ផលមួយផ្នែក
ឬលទ្ធផលទាំងអស់នៃការបោះឆ្នោតទៅគ.ជ.ប ឬទៅក្រុមប្រឹក្សាធម្មនុញ្ញ
ដោយអនុលោមតាមមាត្រា១១៤
នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ និងច្បាប់ស្តីពីវិសោធនកម្មនៃច្បាប់នេះ
៕
No comments:
Post a Comment