រដ្ឋាភិបាលថៃជំរុញឲ្យមានការចំណាយនៅក្នុងស្រុក
ភ្នំពេញប៉ុស្តិ៍ ១៤-០៨-២០១៣៖ ក្រសួងពាណិជ្ជកម្មថៃនឹងស្វែងរកកិច្ចសហប្រតិបត្តិការពី ប្រតិបត្តិករហាងធំៗចំនួន ១៣ ដើម្បីផ្ដល់ការបញ្ចុះតម្លៃ ៧០ ភាគរយ លើមុខទំនិញជាង ១ ម៉ឺនមុខចាប់ពីថ្ងៃទី១៦ ដល់ ២៤ ខែ សីហា ក្នុងការជំរុញការប្រើប្រាស់ក្នុងស្រុក។
ប៉ុន្តែសំណួររបស់ក្រុមហ៊ុនលក់រាយថា តើយុទ្ធនាការនេះនឹងជំរុញសេដ្ឋកិច្ចកើនឡើងច្រើនដូចការព្យាកររបស់ រដ្ឋាភិបាលដែរឬទេ? ពួកគេជំទាស់ដោយលើកឡើងថា ប្រជាជនគ្មានប្រាក់ក្នុងការចំណាយដូច្នេះពួកគេស្នើឲ្យរដ្ឋាភិបាល ស្វែងរកមធ្យោបាយផ្សេង ជំនួសដើម្បីជួយបង្កើនដល់ប្រាក់ចំណូលរបស់ប្រជាជនវិញ។
លោក Yanyong Phuangrach អនុរដ្ឋមន្រ្តីក្រសួងពាណិជ្ជកម្មបានថ្លែងថា កម្មវិធីលក់នេះ អាចផ្ដល់ផលិតផលបញ្ចុះតម្លៃដល់អ្នកប្រើប្រាស់នៅតាមហាង នានាទូទាំងប្រទេស។ ក្រសួងនេះអាចបង្កើតស្ដង់លក់ចំនួន ១៨០ ផងដែរនៅបរិវេណរបស់ខ្លួននៅក្នុងតំបន់ Sanambin Nam របស់ខេត្ត Nonthaburi ក្នុងការផ្ដល់ទំនិញជាច្រើនដូចជា ស៊ុត ស្ករសនិងប្រេងបន្លែក្នុងតម្លៃទាប។
លោកបានបន្តថា យុទ្ធនាការនេះគឺមួយផ្នែកដើម្បីរំឭកខួបលើកទី៩០នៃការបង្កើត ក្រសួងនេះនៅថ្ងៃទី២០ ខែ សីហា។
លោក Somchai Pornrattanacharoen ប្រធានសមាគមក្រុមហ៊ុនលក់រាយ និងលក់ដុំថៃ និយាយថា ក្រុមហ៊ុនលក់រាយធំៗបានទទួលរងពីការលក់ធ្លាក់ចុះមួយរយៈមកហើយ ហើយក៏ផ្ដល់ការ
លក់បញ្ចុះតម្លៃរួចហើយដែរ។ ផែនការធំរបស់ក្រសួងពាណិជ្ជកម្មមិនអាចជួយកាត់បន្ថយតម្លៃនៃ ការរស់នៅបានទេ ហើយក៏មិនអាចស្រូបយកប្រាក់បានច្រើននៅក្នុងសេដ្ឋកិច្ចដូច បានអះអាងនោះដែរ។ រដ្ឋាភិបាលត្រូវបានគេណែនាំឲ្យស្វែងរកមធ្យោបាយផ្សេង ពីនេះដើម្បីជួយបង្កើនប្រាក់ចំណូលរបស់ប្រជាជន៕B.Post/PB
No comments:
Post a Comment