ពលករទៅធ្វើការក្រៅប្រទេសធ្លាក់ចុះ៣០%
ភ្នំពេញប៉ុស្តិ៍ ១៥-០៨-២០១៣៖ ចំនួនពលករកម្ពុជាទៅធ្វើការស្របច្បាប់នៅបរទេសបានធ្លាក់ចុះជិត៣០ ភាគរយនៅឆមាសទី១ឆ្នាំនេះបើធៀបរយៈពេលដូចគ្នាពីឆ្នាំទៅ។ នេះបើតាមស្ថិតិបានពីគេហទំព័រ AKP ។
របាយការណ៍បង្ហាញថា ចំនួនពលករដែលត្រូវបានបញ្ចូនទៅក្រៅប្រទេសធ្លាក់ចុះពី១៦ ៩០០នាក់មកនៅ១១ ៩៤០នាក់។
ការធ្លាក់ចុះភាគច្រើននៅថៃនិងកូរ៉េខាងត្បូងដែលជាកន្លែងពលករចំណាកស្រុកស្របច្បាប់ធំបំផុតរបស់កម្ពុជា។
ការបញ្ជូនទៅប្រទេសថៃធ្លាក់ចុះ៣០ភាគរយគឺបាន៧ ៤២០ នាក់ធ្លាក់ចុះពី១០ ៥៨៣នាក់និងកូរ៉េខាងត្បូងធ្លាក់ចុះ២៧ភាគរយពី៦ ១៨៧នាក់មកនៅ៤ ៥០៣ នាក់។
ក្រសួងការងារឲ្យដឹងថា ពលករចំណាកស្រុកស្របច្បាប់កម្ពុជាមាន១២៥ ០០០នាក់ធ្វើការនៅកូរ៉េខាងត្បូង ម៉ាឡេស៊ី ថៃ និងជប៉ុន ហើយការប៉ាន់ប្រមាណអាចនំាចំណូលចូលស្រុកវិញ២០០លានដុល្លារក្នុង មួយឆ្នាំ។
ការធ្លាក់ចុះដោយសារការរួមចំណែករបស់រដ្ឋាភិបាលក្នុងការកែលម្អលក្ខខណ្ឌការងារក្នុងស្រុក។
លោកអ៊ុំ មានរដ្ឋលេខាធិការក្រសួងការងារនិងបណ្ដុះបណ្ដាលវិជ្ជាជីវៈថ្លែងថា៖« ក្រៅពីកម្មកររោងចក្រកាត់ដេរ យើងទទួលបានលំហូរចូលថ្មីនៃរោងចក្រអេឡិចត្រូនិកនិងរោងចក្ររថយន្ត ដែលត្រូវការកម្មករច្រើននាក់និងផ្ដល់ប្រាក់ខែកាន់តែខ្ពស់»៕PB
No comments:
Post a Comment