អតីតអភិបាលខេត្តរាជធានី៦រូប
ត្រូវដាក់ឲ្យជាប់ជាតំណាងរាស្ត្រសម្រាប់នីតិកាលទី៥
VOD | ថ្ងៃពុធ ទី11 ខែកញ្ញា ឆ្នាំ2013
អតីតអភិបាលរាជធានីភ្នំពេញ
លោក កែប ជុតិមា ជាប់ជាតំណាងរាស្រ្តមណ្ឌលរាជធានីភ្នំពេញ
អតីតអភិបាលខេត្តចំនួន៦រូប ដែលត្រូវបានផ្លាស់ប្តូរមុខតំណែងកាលពីខែឧសភា
ឆ្នាំ២០១៣នេះ ត្រូវបានគណបក្សប្រជាជនកម្ពុជា ដាក់ឲ្យជាប់ជាតំណាងរាស្ត្រសម្រាប់នីតិកាលទី៥នេះ។
បញ្ជីរាយនាមបេក្ខជនជាប់ឆ្នោតជា តំណាងរាស្ត្រ
នីតិកាលទី៥របស់គជប ឲ្យដឹងថា លោក កង ហ៊ាង ជាប់ជាតំណាងរាស្ត្រអភិបាលខេត្តកំពង់ស្ពឺ
លោក ហ៊ុន ណេង ជាប់ជាតំណាងរាស្ត្រខេត្តកំពង់ចាម
លោក ឡូយ សុផាត ជាតំណាងរាស្ត្រខេត្តស្ទឹងត្រែង
លោក ឈុន ស៊ីរុន តំណាងរាស្ត្រខេត្តកណ្តាល
លោក ចាន់ យឿន តំណាងរាស្ត្រខេត្តមណ្ឌលគិរី និងលោក កែប ជុតិមា
តំណាងរាស្ត្ររាជធានីភ្នំពេញ។
កាលពីខែឧសភា
លោកនាយករដ្ឋមន្ត្រី ហ៊ុន
សែន បានផ្លាស់ប្តូរអភិបាលខេត្ត-រាជធានី១០រូប មុនការបោះឆ្នោតថ្នាក់ជាតិ
ដែលមានអភិបាលខេត្តបួនរូបទៀត គឺ
លោក ស៊ូ
ភិរិន្ទ អភិបាលខេត្តសៀមរាប លោក ឈុន ឈន់
អភិបាលខេត្តកំពង់ធំ លោក អ៊ុង
អឿន អភិបាលខេត្តបន្ទាយមានជ័យ និងលោក ប៉ិច សុខិន អភិបាលខេត្តឧត្តរមានជ័យ។
បើតាមបញ្ជីរាយនាមបេក្ខជនជាប់ឆ្នោតជា តំណាងរាស្ត្រ
នីតិកាលទី៥របស់គជប អតីតអភិបាលខេត្តទាំង៤រូបនោះ មិនជាប់ឆ្នោតជាតំណាងរាស្ត្រទេ។
លោកនាយករដ្ឋមន្ត្រី
ហ៊ុន សែន បានគូសបញ្ជាក់ថា
ការដោះដូរអភិបាលខេត្ត អភិបាលរងខេត្ត អភិបាលស្រុក និងអភិបាលរងស្រុកនេះ ធ្វើឡើងស្របតាមច្បាប់នៃក្រុមប្រឹក្សារាជធានីខេត្ត
ស្រុកខណ្ឌក្រុង ដែលបានកំណត់អាណត្តិគណៈអភិបាលខេត្តរាជធានី
ស្រុកខណ្ឌក្រុង ត្រឹមតែ ៤
ឆ្នាំប៉ុណ្ណោះ។
ចំណែកក្នុងខេត្តកំពត
ភរិយារបស់លោក ខូយ
ឃុនហ៊ួរ លោក អភិបាលខេត្ត គឺលោកស្រី អ៊ុន សុគន្ធា ជាប់ជាតំណាងរាស្ត្រសម្រាប់មណ្ឌលខេត្តមួយនេះ។
សម្រាប់ខេត្តប៉ៃលិន លោកស្រី បាន ស្រីមុំ ភរិយាលោក អ៊ី ឈាន ជាប់ឆ្នោតជាតំណាងរាស្ត្រប្រចាំខេត្តមួយនេះ។
តំណាងរាស្ត្រមណ្ឌលព្រៃវែង
លោក ជាម យៀប ធ្លាប់ប្រាប់VODថា
ការផ្លាស់ប្តូរបេក្ខភាពតំណាងរាស្ត្រ
ជាប់ឆ្នោតរបស់គណបក្សប្រជាជនកម្ពុជា គឺផ្អែកលើតម្រូវការចាំបាច់របស់គណបក្ស ហើយមន្ត្រីដែលត្រូវផ្លាស់ចេញនោះ
គណបក្សមិនបោះបង់ចោលនោះទេ
ដោយនឹងមានការៀបចំតួនាទីថ្មី។
សម្រាប់នីតិកាលទី៥នេះ រដ្ឋមន្ត្រីចំនួន១០រូប ដែលមានតំណែងក្នុងជួររដ្ឋាភិបាលមុនការបោះឆ្នោតអាណត្តិទី៥ ត្រូវបានផ្លាស់ប្តូរពីការជាប់ឆ្នោតជាតំណាងរាស្ត្រ បើទោះរដ្ឋមន្ត្រីទាំងនោះ
បានឈរឈ្មោះជាបេក្ខជនពេញសិទ្ធិក៏ដោយ។
គជប
បានប្រកាសជាផ្លូវការថា
គណបក្សប្រជាជនកម្ពុជា ទទួលបាន៦៨អាសនៈ ប្រហែលជា៤៨.៨ភាគរយនៃអ្នកចូលរួមបោះឆ្នោតសរុប៦.៦៣លាននាក់ ហើយគណបក្សសង្គ្រោះជាតិ
ទទួលបាន៥៥អាសនៈ ស្មើនឹង៤៤.៥ភាគរយ គឺ២.៩២ លានសំឡេង។ គណបក្សប្រជាជនកម្ពុជា បានបាត់បង់តំណាងរាស្ត្រចំនួន២២រូប បើប្រៀបធៀបពីការបោះឆ្នោតអាណត្តិកាលពី២០០៨
ដែលទទួលបាន៩០អាសនៈ៕
No comments:
Post a Comment