កម្ពុជាកំពុងជំរុញកំណែទម្រង់លើការប្រមូលពន្ធ
ភ្នំពេញប៉ុស្តិ៍ ១៨ កញ្ញា ២០១៣
ភ្នំពេញៈ អគ្គនាយកដ្ឋានពន្ធដារបានដាក់ចេញនូវកំណែទម្រង់ជាបន្តបន្ទាប់ ក្នុងការប្រមូលពន្ធដើម្បីឆ្លើយតបនឹងពេលសម្រាប់សហគមន៍ សេដ្ឋកិច្ចអាស៊ានដែលនឹងចូលមកដល់នៅឆ្នាំ ២០១៥។
លោក គង់ វិបុល អគ្គនាយកនៃអគ្គនាយកដ្ឋានពន្ធដារបានលើកឡើងនៅក្នុងកម្មវិធី Eurocham នៅភ្នំពេញកាលពីថ្ងៃអង្គារថា ការពង្រឹងបន្ថែមក្នុងការប្រមូលពន្ធរបស់ប្រទេសគឺដើម្បីបង្កើន ប្រាក់ចំណូលរដ្ឋាភិបាល ខណៈការផ្ដល់បរិយាកាសគួរឲ្យទាក់ទាញមួយសម្រាប់ការវិនិយោគគឺជា តុល្យភាពដែលត្រូវតែធ្វើជាមួយអគ្គនាយកដ្ឋានពន្ធដារក្នុង យុទ្ធសាស្ដ្រនៃការប្រមូលប្រាក់ចំណូល។
លោកបាននិយាយទៅកាន់អ្នកស្តាប់ជាពាណិជ្ជករក្នុងស្រុក និងបរទេសថា៖ «យើងត្រូវតែលើកកម្ពស់ដោយស្មើភាពសម្រាប់អ្នកទាំងអស់»។ លោកបានលើកឡើងថា លោកកំពុងតែព្យាយាមបន្ធូរបន្ថយការបារម្ភពីការទទួលបានផលប្រយោជន៍ មិនយុត្តិធម៌ក្នុងចំណោមអ្នកទាំងនោះដែលកំពុងត្អូញត្អែរនឹង អាជីវកម្មខ្លះដែលគេចវេះមិនព្រមបង់ពន្ធ។
គិតពីការអប់រំពីពន្ធសម្រាប់សហគ្រាសធុនតូចនិងមធ្យម ដែលធ្វើឲ្យប្រសើរឡើងក្នុងការបង់ពន្ធឲ្យមានភាពងាយស្រួល និងពិនិត្យឡើងវិញពីច្បាប់ពន្ធរបស់វិនិយោគិនក្នុងការ ពង្រឹងមធ្យោបាយស្របច្បាប់ក្នុងការស្វែងរកអ្នកគេចមិនបង់ពន្ធ និងធ្វើឲ្យប្រព័ន្ធ IT កាន់តែប្រសើរឡើង។
រដ្ឋាភិបាលមានគោលនយោបាយជាប់ពាក់ព័ន្ធ ដោយសង្ឃឹមថានឹងសម្រេចបានក្នុងរយៈពេលខ្លី។
លោក គង់ វិបុល ដែលបានបង្កើតក្រុមការងារចំនួន ៧៨ នៅក្នុងនាយកដ្ឋានពន្ធដារកំពុង ពិគ្រោះយោបល់ជាមួយវិស័យឯកជនក្នុងការជួយបង្កើតការផ្លាស់ប្តូរបាន និយាយថា៖ «ខ្ញុំមានបញ្ហាជាច្រើនដែលត្រូវដោះស្រាយ»។
ខណៈមានការយល់ថា រដ្ឋាភិបាលបានកំណត់គោលដៅ «មហិច្ឆតា» លោក Clint O’ Connell ជាមេធាវីខាងពន្ធដារមកពីក្រុមហ៊ុន VDB Loi ស្វាគមន៍ដល់ការបញ្ជាក់របស់នាយកដ្ឋានពន្ធដារដែលលោក និយាយថា កាលពីអតីតកាលតែងតែមានការប្រើប្រាស់ពេលវេលាក្នុងការគ្រប់គ្រង ធ្វើឡើងមិនផ្លូវការ ហើយមិនរឹងមាំទេនៅពេលនោះ។
នាយកដ្ឋានពន្ធដារនឹងជំរុញឲ្យអ្នកជាប់ពន្ធត្រូវគោរពតាម ហើយពិតណាស់ វាធ្វើឲ្យមានភាពកាន់តែងាយស្រួល»។
លោកបានលើកឡើងថា វិនិយោគិនជាច្រើនគឺចង់ឲ្យមានការឆ្លើយតបចំពោះតម្លាភាពកាន់តែខ្លាំងផងដែរ។
លោក Emmanuel Menanteau ប្រធាន Eurocham មានសុទិដ្ឋិនិយមអំពីការផ្លាស់ប្តូរនេះផងដែរ។ លោកនិយាយថា វាមានសារៈសំខាន់ក្នុងការលើកកម្ពស់សមត្ថភាពប្រកួតប្រជែង របស់កម្ពុជាក្នុងចំណោមប្រទេសជិតខាងពីការរំពឹងទុកពីការធ្វើ សមាហរណកម្មអាស៊ាន។
យុទ្ធសាស្ដ្ររយៈពេល ៥ ឆ្នាំនឹងត្រូវបានដាក់ស្នើសុំការយល់ព្រមជាគោលការណ៍ទៅគណៈរដ្ឋ មន្រ្តីនៅពេលដែលរដ្ឋាភិបាលបានបង្កើតឡើង៕
No comments:
Post a Comment