ក្រុមប្រឹក្សាសន្តិសុខអ.ស.ប.ជួបចរចាជុំវិញរឿងស៊ីរី ប៉ុន្តែគ្មានកិច្ចព្រមព្រៀង
ភ្នំពេញប៉ុស្តិ៍ ១៣ កញ្ញា ២០១៣
បុរីញូវយ៉ក: ក្រុមប្រេសិតក្រុមប្រឹក្សាសន្តិសុខអ.ស.ប.មកពី អង់គ្លេសចិនបារាំងរុស្ស៊ីនិងអាមេរិកបានធ្វើការពិភាក្សាកាលពីថ្ងៃ ព្រហស្បតិ៍ស្ដីពីអាវុធគីមីស៊ីរីប៉ុន្តែពុំបានឈានដល់ កិច្ចព្រមព្រៀងណាមួយទេ។
ដោយយោងដល់ជំនួប៤៥នាទីរវាងសមាជិកអចិន្រៃ្តយ៍ដែលមានសិទ្ធិវ៉េតូ ក្នុងក្រុមប្រឹក្សាអ្នកការទូតអ.ស.ប.ម្នាក់បាននិយាយថា ៖ «ពួកគេបានពិភាក្សាលើគោលការណ៍ដែលអាចសម្រេចសេចក្តីសម្រេចចិត្តមួយ »ស្តីពីស៊ីរី។
កិច្ចពិភាក្សានេះបានកើតឡើងនៅឯស្ថានបេសកកម្មអ.ស.ប.របស់រុស្ស៊ី ក្នុងក្រុងញូវយ៉ក។ អ្នកការទូតក្រុមប្រឹក្សាម្នាក់បានបន្ថែមថា៖ «គ្រប់គ្នាបានបង្ហាញនូវជំហររបស់ខ្លួនប៉ុន្តែមិនមានការចរចា ពិតប្រាកដនោះទេ»។
រហូតមកដល់ពេលនេះរុស្ស៊ីបានរារាំងទង្វើរបស់ក្រុមប្រឹក្សា សន្តិសុខដើម្បីដាក់សម្ពាធទៅលើសម្ព័ន្ធមិត្តខ្លួនគឺប្រធានាធិបតី បាសារអាល់អាសាដ។ប៉ុន្តែជំនួបរវាងរដ្ឋមន្ត្រីការបរទេសអាមេរិកលោក ចនឃើរីនិងរដ្ឋមន្ត្រីការបរទេសរុស្ស៊ីលោក ស៊ើហ្គេយ៍ឡាវរ៉ូវនៅក្រុងហ្សឺណែវដែលចាប់ផ្ដើមពីថ្ងៃព្រហស្បតិ៍នឹង កំណត់ថាតើក្រុមប្រឹក្សាដែលបែកបាក់គ្នានេះនឹងអាចឈានដល់ កិច្ចព្រមព្រៀងមួយឬយ៉ាងណា?
អ្នកការទូតក្រុមប្រឹក្សារូបនោះ បានថ្លែងថា៖ «គ្រប់ៗគ្នាហាក់ដូចជាចង់ទុកចម្លោះមួយ សម្រាប់ការផ្ដួចផ្ដើមគំនិតរបស់លោក ឃើរីនិងលោកឡាវរ៉ូវ»។
លោកឃើរីនិងលោកឡាវរ៉ូវត្រូវពិភាក្សាផែនការរុស្ស៊ីដើម្បីដាក់ ឃ្លាំងអាវុធគីមីរបស់ស៊ីរីឲ្យនៅក្រោមការត្រួតពិនិត្យជាអន្តរជាតិ និងបញ្ឈប់ការវាយប្រហារយោធារបស់អាមេរិកដែលបានគំរាម។
បារាំងអង់គ្លេសនិងអាមេរិកកំពុងជំរុញឲ្យមានសេចក្ដីសម្រេចចិត្ត មួយដែលនឹងដាក់ផលវិបាក«ដ៏ធ្ងន់ធ្ងរក្រៃលែង»នេះលើរដ្ឋាភិបាលលោក អាសាដបើសិនជាស៊ីរីមិនផ្ទេរការគ្រប់គ្រងអាវុធគីមីដែលគេហាមឃាត់នេះ ទេ។
ក្រោមសេចក្ដីសម្រេចចិត្តដែលបានព្រៀងជាភាសាបារាំងក្រុមប្រឹក្សា នេះនឹងទុកពេលឲ្យ១៥ថ្ងៃ ដើម្បីប្រាប់ទីកន្លែងអាវុធគីមី។
សេចក្ដីសម្រេចចិត្តនេះនឹងគំរាមចាត់វិធានការក្រោមជំពូកទី៧នៃ ធម្មនុញ្ញអ.ស.ប.ដែលអនុញ្ញាតឲ្យចាត់វិធានការយោធា។ បារាំងបាននិយាយថាខ្លួនត្រៀមខ្លួនគាំទ្រការវាយប្រហារយោធារបស់ អាមេរិកលើកងកម្លាំងលោក អាសាដជុំវិញការវាយប្រហារអាវុធគីមីដែលសង្ស័យពីថ្ងៃទី២១ខែសីហា ក្បែរក្រុងដាម៉ាស់។
ប៉ុន្តែលោកឡារ៉ូវបាននិយាយថាគេង«មិនអាចទទួលយកបានទេ»ដែល ក្រុមប្រឹក្សា១៥ប្រទេសអនុម័តសេចក្តីព្រៀងច្បាប់មួយចោទប្រកាន់លោក អាសាដ ពីបទវាយប្រហារនោះ៕
No comments:
Post a Comment