សង្គមស៊ីវិលគាំទ្រការលើកឡើងរបស់លោក
សម រង្សី
ក្នុងការយាងព្រះមហាក្សត្រឲ្យជួយអន្តរាគមន៍ដោះស្រាយភាពជាប់គាំងខាងនយោបាយ
Radio Australia 8 September 2013
ព្រះមហាក្សត្រ នៃព្រះរាជាណាចក្រកម្ពុជា
លោក សុខ ទូច អ្នកវិភាគឯករាជ្យបានគាំទ្រការលើកឡើងរបស់លោក សម រង្សី ដោយលោកយល់ថានេះជាជម្រើសដ៏ត្រឹមត្រូវនិងជាផ្លូវដែលគណបក្សនយោបាយ ទាំងពីរត្រូវដើរផងដែរ។
លោកបណ្ឌិត សុខ ទូច បន្តថារដ្ឋធម្មនុញ្ញបានចែងច្បាស់ណាស់ថាព្រះមហាក្សត្រមានព្រះរាជតួ នាទីសម្របសម្រួលឲ្យខ្មែរមានឯកភាពជាតិ។ ម្យ៉ាងវិញទៀត អ្វីដែលសំខាន់ គណបក្សសង្រ្គោះជាតិបានបរាជ័យក្នុងការទាមទាររបស់ខ្លួនអស់ចំនួន ៤លើកមកហើយ ក្នុងនោះរួមមានទាំងការបង្កើតគណៈកម្មការឯករាជ្យ ការដោះស្រាយបណ្តឹងនៅ គ.ជ.ប ការដោះស្រាយបណ្តឹងនៅក្រុមប្រឹក្សាធម្មនុញ្ញ និងការស្នើឲ្យអង្គការក្រៅរដ្ឋាភិបាលចូលរួមក្នុងការស៊ើបអង្កេតភាព មិនប្រក្រតី ក៏ត្រូវបរាជ័យថែមទៀត។
ដូច្នេះលោកយល់ថាជាការ សម្រេចចិត្តដ៏ត្រឹមត្រូវរបស់គណបក្សសង្រ្គោះជាតិក្នុងការយាង ព្រះមហាក្សត្រឲ្យជួយធ្វើអន្តរាគមន៍។
ជាមួយគ្នានេះ លោកបណ្ឌិត សុខ ទូច បន្តថាគណបក្សសង្រ្គោះជាតិត្រូវតែមានលក្ខខណ្ឌនិងជំហ រច្បាស់លាស់ជាពិសេសនៅក្រោយពីការធ្វើមហាបាតុកម្មកាលពីម្សិលមិញ ដែលហាក់ដូចជាពុំបានបង្ហាញថាគណបក្សនេះនឹងធ្វើអ្វីជាបន្តទៀត នោះទេ។
ដូចគ្នានេះដែរ លោកកែម ឡី ដែលបានតាមដាន បាតុកម្មកាល ពីម្សិលមិញបានថ្លែងថានេះជាជម្រើសដ៏ត្រឹមត្រូវរបស់គណបក្ស សង្គ្រោះជាតិក្នុងការសុំជំនួយពីព្រះមហាក្សត្រ។
ចំណែក លោក ជាម យៀប តំណាងរាស្ត្រគណបក្សប្រជាជនកម្ពុជាបានថ្លែងថា គណបក្សសង្រ្គោះជាតិតែងតែគោរពនិងធ្វើតាមជានិច្ចនូវព្រះរាជតម្រិះ របស់ព្រះមហាក្សត្រ។
នៅព្រឹកនេះគណៈកម្មាធិការជាតិរៀបចំការ បោះឆ្នោតបានប្រកាសលទ្ធផលផ្លូវការនៃការបោះឆ្នោតជ្រើសរើសតំណាងរាស្ត្រ អាណត្តិទី៥ហើយ។
លទ្ធផលផ្លូវការនេះមិនខុសពីលទ្ធផល បណ្តោះអាសន្ននោះទេ គឺ គណបក្សប្រជាជនកម្ពុជាទទួលបាន ៦៨អាសនៈ និងគណបក្សសង្រ្គោះជាតិទទួលបាន ៥៥អាសនៈ៕
No comments:
Post a Comment