អាជីវកម្មនៅ ភ្នំពេញ
កំពុងទទួលរងផលប៉ះពាល់
ភ្នំពេញ ប៉ុស្តិ៍ 16
កញ្ញា 2013
ភ្នំពេញៈ ការបិទផ្លូវតាមវិថីសំខាន់ៗមួយចំនួននៅភ្នំពេញ កាលពីម្សិលមិញបានធ្វើឲ្យប៉ះពាល់ដល់ដំណើរការអាជីវកម្មរបស់ ពាណិជ្ជករជាច្រើន។
ម្ចាស់អាជីវកម្ម
និងបុគ្គលិកតាមហាងលក់ទំនិញនានារួមមានដូចជា ភោជនីយដ្ឋាន ហាងកាហ្វេ ផ្សារទំនើបបានអះអាងថាការរឹតបន្តឹងសុវត្ថិភាពនោះបានធ្វើឲ្យការ លក់ និងដំណើរការអាជីវកម្មជារួម មានការថយចុះខណៈខ្លះទៀតត្រូវផ្អាកដំណើរការដោយសារមិនមាន អតិថិជន។
រនាំងដែក
និងបន្លាលួសអមដោយកម្លាំងប្រដាប់អាវុធ ត្រូវបានដាក់ពង្រាយនៅតាមវិថីសំខាន់ៗមួយចំនួនជាពិសេសនៅ តំបន់ជុំវិញវិមានឯករាជ្យ
និងគេហដ្ឋានរបស់លោកនាយករដ្ឋមន្ត្រី ហ៊ុន សែន ដើម្បីការពារសុវត្ថិភាព សណ្តាប់ធ្នាប់ ស្របពេលគណបក្សសង្គ្រោះជាតិបានចាប់ផ្តើមដំណើរការបាតុកម្មថ្ងៃ ដំបូងកាលពីម្សិលមិញ ដែលមានរយៈពេលបីថ្ងៃ។
ខណៈដែលមេដឹកនាំគណបក្សសង្គ្រោះជាតិបានលើកឡើងថា នឹងបន្តទាមទារឲ្យទាល់តែបានការបង្កើតគណៈកម្មាធិការចម្រុះមួយ ដើម្បីស៊ើបអង្កេត
និងដោះស្រាយភាពមិនប្រក្រតីនានាដែលបានកើតឡើងនៅថ្ងៃបោះឆ្នោតកាល ពីថ្ងៃ ទី២៨ កក្កដា
ការរឹតបន្តឹងសុវត្ថិភាពក្នុងទម្រង់បែបនេះទំនងជានឹងមិនអាចបញ្ចប់ នាពេលឆាប់ៗឡើយ។
លោក ហៀក ហួរ ម្ចាស់ផ្ទះសំណាក់ ញូវខេសល
២ ដែលមានទីតាំងតាមបណ្តោយផ្លូវ ១៧២ ខាងលិចមហាវិថី នរោត្តម បានឲ្យដឹងថាភ្ញៀវចូលស្នាក់នៅក្នុងផ្ទះសំណាក់របស់លោកបានថយចុះ ប្រមាណ ៣០ ភាគរយពីថ្ងៃធម្មតា។ លោកអះអាងថាភ្ញៀវភាគច្រើនគឺជាភ្ញៀវបរទេស ហើយអ្នកដែលស្នាក់នៅស្រាប់ខ្លះបានរើចេញបន្ទាប់ពីពួកគេឃើញការ ដាក់ពង្រាយបន្លាលួស រនាំងដែក និងកម្លាំងសមត្ថកិច្ច ដោយសារពួកគេពិបាកធ្វើដំណើរ។ លោកបានបន្តថា៖ «ខ្ញុំបារម្ភពីបញ្ហាហ្នឹងណាស់ ប៉ុន្តែអត់ដឹងធ្វើម៉េចដើម្បីដោះស្រាយទេ។ ខ្ញុំគិតថា ប្រសិនបើបញ្ហាទំាងនេះមិនអាចដោះស្រាយបានឆាប់ៗ ភ្ញៀវនឹងកាន់តែស្ងាត់»។
មហាវិថី នរោត្តម
ត្រូវបានដាក់ពង្រាយកម្លាំងសមត្ថកិច្ច និង របាំងដែក រាល់ផ្លូវដែលមានច្រកតូចៗ ឬ
មានផ្លូវតូចៗកាត់។
ស្ទើរតែគ្មានរថយន្ត
និងម៉ូតូអាចធ្វើចរាចរណ៍បានតាមមហាវិថី នរោត្តម កាលពីម្សិលមិញ។
ផ្សារ ទំនើប ផេនសល នៅតាមផ្លូវ ២១៤ បានបិទកាលពីម្សិលមិញបន្ទាប់ពីបើកដំណើរការបានពីរបីម៉ោងរួចមក ដោយសារមានអតិថិជនតិចពេក។
បុគ្គលិកផ្សារទំនើប ផេនសល
ម្នាក់សុំមិនបញ្ចេញឈ្មោះ បានឲ្យដឹងថា ជាទូទៅមានអតិថិជនរាប់រយនាក់មកទិញទំនិញនៅផ្សាររៀងរាល់ថ្ងៃ តែកាលពីម្សិលមិញអតិថិជនបានថយចុះយ៉ាងខ្លាំង ដោយមានតែអ្នកស្នាក់នៅជិតៗផ្សារមកទិញប៉ុណ្ណោះ។
ហាងកាហ្វេ Brown Café ដែលនៅជាប់នឹងផ្សារទំនើប ផេនសល នៅបន្តដំណើរការកាលពីម្សិលមិញតែមានភ្ញៀវតិចជាងសព្វដង។ ក្នុងហាងមានតែតុបីប៉ុណ្ណោះដែលមានភ្ញៀវ
ហើយសុទ្ធសឹងជាជនបរទេស។
កញ្ញា ប៉ែន សម្ផស្ស
អ្នកគ្រប់គ្រងទូទៅហាងកាហ្វេ Brown
សាខាផ្លូវ សម្តេច ប៉ាន
បានឲ្យដឹងថាអតិថិជនមានការថយចុះយ៉ាងខ្លាំងប្រៀបធៀបនឹងថ្ងៃ ធម្មតា។
អ្នកដែលមកទទួលទានកាហ្វេដែលមានក្នុងហាងសុទ្ធតែអ្នកដែលមានលំនៅ នៅជិតៗហាង។ កញ្ញាបន្តថា៖
«រៀងរាល់ថ្ងៃនៅពេលខ្ញុំដើរក្នុងហាងក្រឡេកមើលទៅទីណាក៏សុទ្ធ តែភ្ញៀវ តែថ្ងៃហ្នឹងក្រឡេកទៅឃើញតែតុទំនេរ»។
ម្ចាស់ហាងមួយចំនួននៅ តំបន់សង្កាត់
ទន្លេបាសាក់ ខាងត្បូង
និងខាងកើតវិមានឯករាជ្យបានបិទកាលពីម្សិលមិញដោយសារតែការបារម្ភ ពីសុវត្ថិភាព
ខណៈអ្នកផ្សេងទៀតនៅតែបើកដំណើរការប៉ុន្តែមានអតិថិជនតិចតួច។
អ្នកស្រី ស្រូយ លីនដា
អ្នកគ្រប់គ្រងទូទៅនៅហាងលក់សម្លៀកបំពាក់ ភ្នំពេញ ឈរ នៅតាមដងផ្លូវលេខ ២៩៤ នៅខាងមុខច្រកចូលហាងដែលនៅបន្តដំណើរការជាធម្មតា។
អ្នកស្រីបានឲ្យដឹងថា
បន្ទាប់ពីការបោះឆ្នោតកាលពីខែ កក្កដា
អ្នកស្រីហាក់ស្ទាក់ស្ទើរ ហើយពេលខ្លះគ្រោងផ្អាកដំណើរការហាងមួយរយៈសិនដោយសារតែការបារម្ភ ពីសុវត្ថិភាព និង
បន្ទាប់ពីឮពាក្យចចាមអារ៉ាមគួរឲ្យខ្លាចជាច្រើនទាក់ទងនឹងការ បង្ក្រាប។ ប៉ុន្តែជាក់ស្តែង
ពាក្យចចាមអារ៉ាមជាច្រើនគឺជាការបំផ្លើស ដូច្នេះអ្នកស្រីបានសម្រេចចិត្តបន្តបើកហាង ព្រោះខ្លាចបាត់បង់អតិថិជន។ អ្នកស្រីនិយាយថា៖ «ខ្ញុំមិនចង់បិទហាងខ្ញុំម្ដងហើយ ម្ដងទៀតនោះទេ»។
ឆ្លើយតបនឹងសំណួរស្ដីពីថា
ការរឹតបន្តឹងសន្តិសុខ
សណ្តាប់ធ្នាប់របស់រដ្ឋាភិបាលកំពុងធ្វើឲ្យប៉ះពាល់ដល់ដំណើរការ អាជីវកម្ម លោក ឡុង ឌីម៉ង់ អ្នកនាំពាក្យសាលារាជធានីភ្នំពេញបានលើកឡើងថា ការបន្ថែមសន្ដិសុខត្រូវតែមានដោយសារតែមានការតវ៉ាប្រឆាំងរហូត ឈានដល់ហិង្សា។ លោកបន្ដថា៖ «ពួកគេ [បាតុករ] ចាប់ផ្ដើមដើរក្បួន ហើយអ្នកខ្លះបានប្រើអំពើហិង្សាទៅប៉ូលិស ដូច្នេះយើងត្រូវតែបិទផ្លូវក្នុងគោលបំណងរក្សាសន្ដិសុខ។
សុវត្ថិភាព និងសន្ដិសុខគឺជាអាទិភាព»។
ហាងលក់ឡានទំនើបៗឈ្មោះ ហាក់ ស៊្រុន ១
នៅស្តុប បូកគោ
តាមបណ្តោយមហាវិថី ម៉ៅសេទុង កែងវិថី
ព្រះមុនីវង្ស បានយកឡានចេញអស់កាលពីម្សិលមិញ។
បើទោះបីយ៉ាងនេះក្តី លោក ឈុន
គីមស្រ៊ុន នាយកគ្រប់គ្រង ហាងលក់ឡាន
ហាក់ ស្រ៊ុន ១ មានប្រសាសន៍ប្រាប់ ភ្នំពេញ
ប៉ុស្ត៍ កាលពីម្សិលមិញថា
លោកត្រូវទៅពិនិត្យសុខភាពនៅប្រទេសថៃពីរទៅបីថ្ងៃ ហើយមិនមានអ្នកគ្រប់គ្រងជំនួស។ ដូច្នេះលោកត្រូវយកទុកកន្លែងសុវត្ថិភាពសិន»៕
No comments:
Post a Comment