ចិនចាប់បោសសម្អាតអំពើពុករលួយក្នុងចំណោមមន្រ្តីជាន់ខ្ពស់
RFI Khmer - ០៤-០៩-២០១៣
ជាលើកទីមួយ បក្សកុម្មុយនិស្តចិន បានបង្ហាញពីវិបសៃតិ៍ដែលអនុញ្ញាតឲ្យប្រជាជនដាក់ពាក្យប្តឹងបរិហា មន្រ្តីពុករលួយ។ វិបតិសៃតិ៍ www.ccdi.gov.cn ត្រូវបានដាក់ឲ្យដំណើរការ ក្នុងសប្តាហ៍នេះ នៅក្នុងក្របខណ្ឌប្រតិបត្តិការបាតដៃស្អាតស្អំរបស់លោកប្រធានាធិបតីចិន ស៊ី ជីនពីង ដែលបានប្រកាសពីយុទ្ធនាការប្រយុទ្ធប្រឆាំងអំពើពុករលួយ នៅពេលលោកឡើងធ្វើជាប្រធានាធិបតី ចុងឆ្នាំ ២០១២។ នេះបើតាមការចុះផ្សាយរបស់ទីភ្នាក់ងារព័ត៌មានរដ្ឋ ស៊ីនហួរ នៅថ្ងៃចន្ទ ទី ៣ កញ្ញា។
នៅពេលចូលកាន់តំណែងជាប្រធានាធិបតីភ្លាម
លោកស៊ី ជីនពីងបានប្រកាសប្រតិបត្តិការបាតដៃស្អាតស្អំ ដោយចាប់បង្រ្កាបអំពើពុករលួយ តាំងពីក្រុមខ្លា រហូតដល់សត្វរុយ គឺចាប់តាំងពីមន្រ្តីជាន់ខ្ពស់របស់បក្ស
រហូតដល់មន្រ្តីមូលដ្ឋាន និងប្រជាជនចិនសាមញ្ញ។ រហូតមកដល់ពេលនេះ ប្រតិបត្តិការបាតដៃស្អាតស្អំរបស់លោកស៊ី
ជីនពីង ដែលធ្វើឲ្យមន្រ្តីពុករលួយជាប់ទោស
ត្រូវបានប្រជាជនចិនស្វាគម។ ប្រជាជនចិន
ដែលមិនសូវជឿទុកចិត្តលើសំដីរបស់រដ្ឋាភិបាល បានបន្តតាមដានយ៉ាងយកចិត្តទុកដាក់ ប្រតិបត្តិការកម្ចាត់អំពើពុករលួយរបស់រដ្ឋាភិបាល។.
ព័ត៌មានបន្ថែមមានក្នុងគេហទំព័រខាងក្រោម
No comments:
Post a Comment