គណបក្សសង្គ្រោះជាតិ
បង្ហាញខ្លឹមសារបួងសួង ទាមទារបង្កើតគណៈកម្មការចម្រុះ
VOD| ថ្ងៃសុក្រ ទី៦ ខែកញ្ញា ឆ្នាំ២០១៣
គណបក្សសង្គ្រោះជាតិ នៅថ្ងៃសុក្រនេះ បង្ហាញខ្លឹមសារនៃការបួងសួងក្នុងមហាបាតុកម្ម ដោយនៅតែទាមទារឲ្យមានការបង្កើតគណៈកម្មការចម្រុះពិសេស ត្រួតពិនិត្យភាពមិនប្រក្រតីនៃការបោះឆ្នោត ដែលមានការចូលរួមពីអង្គការសហប្រជាជាតិ ។
គណបក្សសង្គ្រោះជាតិ បានបង្វែរពីការធ្វើមហាបាតុកម្មនៅទីលានប្រជាធិបតេយ្យ មកជាការបួងសួងសុំសន្តិភាព និងយុត្តិធម៌វិញ
នៅថ្ងៃសៅរ៍ស្អែកនេះ ដែលអាចនឹងមានមនុស្សចូលរួមប្រមាណជា២ម៉ឺន។
ខ្លឹមសារនៃពិធីបួងសួង បង្ហាញថា មហាបាតុកម្ម
គឺធ្វើឡើងក្នុងគោលបំណងស្វែងរកយុត្តិធម៌ជូនម្ចាស់ឆ្នោត និងទាមទារឲ្យមានការបង្កើតគណៈកម្មការឯករាជ្សមួយ ដែលមានអង្គការជាតិ និងអង្គការសហប្រជាជាតិចូលរួមដោះស្រាយនូវភាពមិនប្រក្រតីនៃ ការបោះឆ្នោត។គណបក្សសង្គ្រោះជាតិបន្តថា គណៈកម្មការនេះ ត្រូវលាតត្រដាងការពិតអំពីលទ្ធផលនៃការបោះឆ្នោត ដើម្បីធានាការគោរពឆន្ទៈរបស់ប្រជាពលរដ្ឋខែ្មរពិតប្រាកដ។
គណបក្សសង្គ្រោះជាតិ ក៏បានប្រកាសជំហរខ្លួនថា
ប្រកាន់នូវគោលការណ៍អហិង្សាទាំងកាយ វាចារ ចិត្ត ដោយមិនចាត់ទុកខែ្មរណាមួយជាសត្រូវឡើយ
តែចង់បានយុត្តិធម៌ និងការផ្សះផ្សារជាតិជាស្ថាពរ។
ខ្លឹមសារនៃការបួងសួង ក៏សូមឲ្យបារមីទាំងអស់
ជួយបីបាច់ថែរក្សាដល់យើងទាំងអស់គ្នា ជាបាតុករអហិង្សាឲ្យ
ជួបតែសេចក្ដីសុខ សេចក្តីចម្រើន និងសូមជួយតម្រែតម្រង់ផ្លូវដល់ជនទាំងឡាយណាដែលកំពុងដើរផ្លូវ ហិង្សា ដែលជាផ្លូវខុស ឲ្យងាកមករួមជាមួយគ្នា សំដៅឯកភាពជាតិខ្មែរតែមួយ ដើម្បីចូលសង្គ្រោះជាតិរបស់យើងឲ្យទាន់ពេលវេលា។
គណបក្សសង្គ្រោះជាតិ ក៏នឹងបួងសួងព្រះបាទជ័យវរ្ម័នទី៧
ព្រះនាងឥន្ទ្រៈទេវី ព្រះបរមរតនៈកោដិ
ព្រះបាទសម្ដេចនរោត្តម សីហនុ និងដួងវិញ្ញាណក្ខ័ន្ធបុព្វការីជន និងបុព្វបុរសខ្មែរស្នេហាជាតិទាំងអស់ សូមយាង និងអញ្ជើញចូលរួមមកសន្ឋិតក្នុងដួងចិត្តបាតុករ និងប្រជាពលរដ្ឋខ្មែរទាំងអស់ ឲ្យចេះរួបរួមសាមគ្គីគ្នាវិញជាធ្លុងមួយ៕
No comments:
Post a Comment