ពិព័រណ៍ Cambuild'13 ចាប់ផ្តើមនៅថ្ងៃអង្គារនេះនៅកោះពេជ្រ
ភ្នំពេញប៉ុស្តិ៍ ១០ កញ្ញា ២០១៣
ការតាំងពិព័រណ៍ពាណិជ្ជកម្មខ្នាតអន្តរជាតិខាងលើរៀបចំឡើងក្នុង គោល បំណងចង់ឲ្យក្រុមហ៊ុនវិនិយោគនានាទាំងក្នុង និងក្រៅប្រទេសដែលបើកបម្រើសេវាកម្មទាក់ទងនឹងវិស័យសំណង់ និងអចលនទ្រព្យ ដាក់បង្ហាញផលិតផល និងសេវាកម្មរបស់ខ្លួន ហើយព្រឹត្តិការណ៍នេះនឹងក្លាយជាឱកាសសម្រាប់អ្នកវិនិយោគធំៗជួប គ្នាផងដែរ។
ព្រឹត្តិការណ៍នេះក៏នឹងបង្ហាញថា បញ្ហាជាប់គាំងផ្នែកនយោបាយនាពេលនេះមិនបានធ្វើឲ្យប៉ះពាល់ដល់ ដំណើររីកចម្រើននៃវិស័យសំណង់នោះទេ ខណៈកម្រិតជីវភាពរបស់ប្រជាជន និងវិស័យសំណង់នៅកម្ពុជាកាន់តែមានដំណើរវិវឌ្ឍន៍ទៅមុខកាន់តែ ប្រសើរនោះ តម្រូវការសម្ភារប្រើប្រាស់សម្រាប់ការកសាង និងតុបតែង លំនៅឋាន អគារការិយាល័យ សាលារៀន និងកន្លែងកម្សាន្តផ្សេងៗក៏វិវឌ្ឍន៍តាមនោះដែរ។
នៅក្នុងព្រឹត្តិការណ៍ខាងលើនឹងមានការតាំងបង្ហាញគម្រោងសាងសង់ អគារខ្ពស់ៗ សម្ភារសំណង់ ឧបករណ៍សម្រាប់សាងសង់ គ្រឿងចក្រ ប្រព័ន្ធទឹកស្អាត សម្ភារអគ្គិសនី និងប្រព័ន្ធសុវត្ថិភាពអគ្គិភ័យ ជាដើម ដោយមានក្រុមហ៊ុនប្រហែល ៣០០ មកពីបណ្ដាប្រទេសផ្សេងចំនួន ២២ ចូលរួម ដូចជា ជប៉ុន កូរ៉េ ម៉ាឡេស៊ី ចិន សិង្ហបុរី ថៃ វៀតណាម តៃវ៉ាន់ ឥណ្ឌា ហ្វីលីពីន អ៊ីតាលី និង អាល្លឺម៉ង់។
របាយការណ៍អង្កេតមួយដែលទើបចេញផ្សាយក្នុងសារព័ត៌មាន ភ្នំពេញ ប៉ុស្តិ៍ កាលពីពេលថ្មីៗនេះបានបង្ហាញថា ក្នុងចំណោមនាយកប្រតិបត្តិពាណិជ្ជកម្មអាមេរិក ចំនួន ៤៧៥ នាក់នៅទូទាំងតំបន់បង្ហាញថា កម្ពុជាជាប្រទេសមួយដែលមានភាពទាក់ទាញបំផុតសម្រាប់ជនបរទេស ដែលធ្វើការឲ្យក្រុមហ៊ុនអាមេរិកនៅតំបន់អាស៊ាន។
តាមរយៈរបាយការណ៍នេះអាចបញ្ជាក់ថា វិស័យសំណង់នៅកម្ពុជានឹងបន្តការរីកចម្រើនទៅមុខយ៉ាងឆាប់រហ័សជា បន្តទៀត ព្រោះតម្រូវការការិយាល័យ និងកន្លែងស្នាក់នៅនឹងកើនឡើងជាពិសេសនៅឆ្នាំ ២០១៥ខាងមុខ៕
No comments:
Post a Comment