រុស្ស៊ី បាក់មុខនៅក្នុងកិច្ចប្រជុំកំពូល G20 ករណីប្រទេសស៊ីរី
VOD | ថ្ងៃសុក្រ ទី៦ ខែកញ្ញា ឆ្នាំ២០១៣
ការទទួលទានអាហារពេលល្ងាចរបស់ក្រុម G20 (រូបថត AFP)
កិច្ចប្រជុំប្រទេសឧស្សាហកម្មជឿនលឿន G20 ដែលបានប្រព្រឹត្តនៅប្រទេសរុស្ស៊ី បានធ្វើឲ្យរដ្ឋាភិបាលក្រុងម៉ូស្គូ បាក់មុខ ដោយសារតែប្រទេសមហាអំណាចមួយនេះ បានតវ៉ាជំទាស់ផែនការរបស់អាមេរិក ដែលនឹងចូលលុកលុយប្រទេសស៊ីរី នៅប៉ុន្មានថ្ងៃទៀត ដើម្បីផ្ដួលរំលំរបបផ្ដាច់ការ លោកអាល់អាសាដ។
មានសេចក្ដីរាយការណ៍ជាច្រើន
បានឲ្យដឹងថា ការប៉ះទង្គិចគ្នា
បានកើតមានរវាងមេដឹកនាំប្រទេសរុស្ស៊ី លោក Vladimir Putin
និងពួកប្រទេសមហាអំណាចលោកខាងលិច ជាពិសេសគឺអាមេរិក
ករណីភាពតានតឹងដែលបានកើតឡើងនៅក្នុងប្រទេសប្រទេសស៊ីរី
និងផែនការចូលលុកលុយ ពីសំណាក់កងទ័ពអាមេរិក
នៅពេលដ៏ឆាប់ខាងមុខនេះ។
នាយករដ្ឋមន្ត្រីនៃប្រទេសអ៊ីតាលី
Enrico Letta បាននិយាយថា ការខ្វែងគំនិតគ្នាបានកើតឡើងជាខ្លាំង
គឺរហូតដល់ពេលទទួលទានអាហារពេលល្ងាច
ហើយមូលហេតុគឺបណ្ដាលមកពី លោក Vladimir Putin ប្រធានាធិបតីរុស្ស៊ី
ចោទសួរលោក អូបាម៉ា ករណីរៀបចំទ័ពចូលលុកលុយប្រទេសស៊ីរី ។
លោក Putin បានវាយប្រហារ អាមេរិក ថាកំពុងមានមហិច្ឆតាឯកតោភាគី
ចង់ផ្ដួលរំលំរបបមួយដែលស្របច្បាប់ ប៉ុន្តែ លោកអូបាម៉ា
ចោទបកវិញថា
រុស្ស៊ីកំពុងយកក្រុមប្រឹក្សាសន្តិសុខអង្គការសហប្រជាជាតិធ្វើ
ជាចំណាប់ខ្មាំង ហើយ ភ្លាមៗនោះ ទាំងអង់គ្លេស បារាំង
ដែលជាសម្ព័ន្ធមិត្តអាមេរិក បានទទូចថា
គេមិនត្រូវទុកឲ្យរបបផ្ដាច់ការមួយសម្លាប់ប្រជាជនខ្លួន
យ៉ាងរង្គាលនោះទេ ជាពិសេស ការប្រើអាវុធគីមី
គឺជាបំពាននឹងច្បាប់អន្តរជាតិដ៏ធ្ងន់ធ្ងរ។
នៅក្នុងក្រុងញូវយ៉ក
អង្គការសហប្រជាជាតិ
ប្រកាសឲ្យមានកិច្ចប្រជុំក្រុមប្រឹក្សាសន្តិសុខជាបន្ទាន់
ករណីប្រទេសស៊ីរី គឺដើម្បីចាប់ផ្ដើមចរចាសន្តិភាព តែមើលទៅ
តំណាងបេសកម្មអាមេរិកនឹងមិនស្ដាប់ឡើយ
ព្រោះពេលវេលាដែលអាមេរិកចូលលុកលុយប្រទេសស៊ីរី
ក៏កាន់តែគៀកមកដល់ដែរ។
ខណៈ លោក ពូទីន
បាក់មុខនៅឯកិច្ចប្រជុំ G20 មានសេចក្ដីរាយការណ៍ថា
ប្រទេសមហាអំណាចមួយនៅអឺរ៉ុបខាងកើតនេះ
បានបញ្ចូននាវាចម្បាំងមួយគ្រឿងដែលបំពាក់ដោយអាវុធទំនើបៗ
នឹងទៅកាន់ឈូងសមុទ្រប្រទេសស៊ីរី នៅពេលឆាប់នេះ ។
បើទោះស្ថិតភាពបាក់មុខបន្តិចក្ដី
តែលោកពូទីន ព្យាយាមញញឹមដាក់កាមេរ៉ា
ខណៈលោកបានចាប់ដៃរលាក់ម្ដងទៀតជាមួយ លោកអូបាម៉ា
តែមួយរំពេច លោកស្រី Angela Merkel អធិការបតីអាឡឺម៉ង់
បានប្រកាសភ្លាមៗ ថ្កោលទោសការសម្លាប់រង្គាលនៅស៊ីរី
តែលោកស្រីមិនបានសន្យាណាមួយ ចូលរួមជាមួយអាមេរិក
ករណីប្រទេសស៊ីរីនោះទេ ខណៈប្រធានសហភាពអឺរុប លោក Herman van
Rompuy បានថ្លែងចំអក លោកពូទីន
ថាបើមិនមានសកម្មភាពកងទ័ពទេ
គឺស្ថានការណ៍នៅស៊ីរីកាន់តែអាក្រក់ ហើយកាលដែលកងទ័ព លោក
អាល់អាសាដ
ប្រើអាវុធគីមីបាញ់ប្រហារជនស៊ីវិលគឺជាបទឧក្រិដ្ឋប្រឆាំង
មនុស្សជាតិ ដ៏ធ្ងន់ធ្ងរ។
លោកពូទីន ព្យាយាមនិយាយដដែលៗថា
សង្គ្រាមមិនអាចរកដំណោះស្រាយបានទេ ករណីប្រទេសស៊ីរី
តែការលើកឡើងដូចនេះហាក់ពុំមាន អ្នកស្ដាប់ច្រើនទេ។
សកម្មភាពកងទ័ពប្រឆាំងប្រទេសស៊ីរី របស់អាមេរិក ឬលោកខាងលិច
បានកំពុងដើរលើផ្លូវមួយ ដែលអាចធ្វើបែកបាក់ជាខ្លាំង
រវាងប្រទេសមហាអំណាច ចិន និងរុស្ស៊ី
ដែលប្រឆាំងដាច់ខាតចលនាកងទ័ពណាមួយ ចូលលុកលុយប្រទេសស៊ីរី
ពីសំណាក់កងទ័ពអាមេរិក។ តែខណៈ លោកអូបាម៉ា
នៅតែរង់ចាំភ្លើងខៀវពីសមាជិកសភាប៉ុណ្ណោះ
គឺអាចដឹកនាំទ័ពចូលលុកលុយប្រទេសស៊ីរី ឆាប់ៗនេះហើយ។
ទន្ទឹមនឹងនេះ ប្រទេសមហាអំណាច បារាំង
បានប្រកាសថា ខ្លួនជួយទាំងកងទ័ព និងស្បៀង ដើម្បីជួយអាមេរិក
ឲ្យបញ្ចប់របបផ្ដាច់ការរបស់ អាល់អាសាដ បានឆាប់បំផុត
ខណៈដែលមេដឹកនាំរុស្ស៊ី និងអាមេរិក
មិនបានចុះកិច្ចព្រមព្រៀងជាមួយគ្នាណាមួយ
ដែលឈានដល់ការផ្អាកសកម្មភាពកងទ័ពអាមេរិក
សំដៅចូលលុកលុយប្រទេសស៊ីរីនោះឡើយ ក្រៅពីមេដឹកនាំរុស្ស៊ី
សន្យាបន្តប្រឆាំងអាមេរិក
នៅក្រុមប្រឹក្សាសន្តិសុខអង្គការសហប្រជាជាតិម្ដងទៀត៕
No comments:
Post a Comment