ច្បាប់ការប្រើអ៊ិនធឺណិតចូលជាធរមាននៅក្នុងប្រទេសវៀតណាម
ភ្នំពេញប៉ុស្តិ៍ ០៣-០៩-២០១៣
ក្រុងហាណូយៈ ច្បាប់ដ៏ចម្រូងចម្រាស់ថ្មីមួយពាក់ព័ន្ធនឹង ការប្រើអ៊ិនធឺណិតបានចូលជាធរមាននៅក្នុងប្រទេសវៀតណាមដើម្បីទប់ ស្កាត់អ្នកប្រើប្លុក និងបណ្ដាញសង្គមពិភាក្សាពីនយោបាយទាក់ទងនឹងព័ត៌មាន ឬក៏ព្រឹត្តិការណ៍នានា។
ដោយចុះហត្ថលេខាលើច្បាប់នេះដោយលោកនាយករដ្ឋមន្ត្រីកាលពីដើម ខែសីហានេះ ក្រិត្យលេខ៧២អនុញ្ញាតឲ្យពលរដ្ឋបង្ហោះតាមអ៊ិនធឺណិតនូវតែព័ត៌ មានផ្ទាល់ខ្លួន និងផ្ដន្ទាទោសអ្នកណាដែលពិភាក្សាពីកិច្ចការបច្ចុប្បន្ន ឬក៏ព័ត៌មានរសើបប៉ះពាល់ដល់ជីវិតរដ្ឋ។
ជាងនេះទៀត ក្រុមហ៊ុនសេវាអ៊ិនធឺណិតត្រូវទទួលខុសបិទប្លុករឿងរ៉ាវនានា ប្រឆាំងនឹងវៀតណាម ឬក៏ដែលអាចបង្កគ្រោះថ្នាក់ដល់«សន្តិសុខជាតិ»។
ការគ្រប់គ្រងរដ្ឋាភិបាលថ្មីដាក់កម្រិត និងការរឹតបន្តឹងលើក្រុមហ៊ុនអ៊ិនធឺណិតបរទេសព្រមទាំងកាតព្វ កិច្ចរក្សាក្រុមហ៊ុនផ្ដល់សេវាមូលដ្ឋាននៅក្នុងប្រទេសវៀតណាម ដូច្នេះដើម្បីធានាការគ្រប់គ្រងឲ្យបានកាន់តែខ្លាំងឡើងៗ។
ក្រុមសកម្មជនសិទ្ធិមនុស្ស និងអង្គការអន្តរជាតិបានរិះគន់យ៉ាងខ្លាំងពីច្បាប់ថ្មីនេះដោយ ក្រុមមួយបានហៅច្បាប់នេះថាជា«ការវាយប្រហារយ៉ាងចាស់ដៃទៅលើ សេរីភាពព័ត៌មាន»នៅក្នុងប្រទេសនេះតាំងពីនាយករដ្ឋមន្ត្រីខ្លួន បានចុះហត្ថលេខាលើទណ្ឌកម្មតឹងរ៉ឹងប្រឆាំងនឹងប្រព័ន្ធផ្សព្វ ផ្សាយកាលពីឆ្នាំ២០១១។
នៅឆ្នាំនេះតែមួយគត់ សកម្មជនរាប់សិបនាក់រួមទាំងអ្នកប្រើប្លុកជាច្រើនផងដែរត្រូវបាន ចាប់ខ្លួន និងចោទប្រកាន់ពីបទមានសកម្មភាពប្រឆាំងរដ្ឋ។
No comments:
Post a Comment