រុស្ស៊ីព្រមានថា អាមេរិកអាចវាយស៊ីរីត្រូវមានការយល់ព្រមពី អ.ស.ប
Thursday, 05 September 2013
AFP
ភាសាដ៏សាមញ្ញ និងត្រង់របស់វិមានគ្រឹមឡាំងនេះបានមានឡើងនៅពេលដែលខ្លួនបានទាម ទារឲ្យ«បញ្ចាក់»ពីភស្តុតាងថា របបរបស់លោក បាសារ អាល់អាសាដ ទទួលខុសត្រូវចំពោះការប្រើអាវុធគីមីប្រឆាំងនឹងប្រជាពលរដ្ឋ ខ្លួនឯង។
យោងតាមទីភ្នាក់ងារព័ត៌មានរុស្ស៊ីបានឲ្យដឹងថា លោកប្រធានាធិបតីរុស្ស៊ី វ្ល៉ាឌីមៀ ពូទីន បានថ្លែងថា វានឹងមិនអាចទទួលយកបានទេចំពោះលោកខាងលិចក្នុងការជំរុញឲ្យមាន សកម្មភាពយោធាប្រឆាំងនឹងក្រុងដាម៉ាសដោយគ្មានការយល់ព្រមពីក្រុម ប្រឹក្សាសន្តិសុខ អ.ស.ប ។
លោក ពូទីន បានប្រាប់សមាជិកក្រុមប្រឹក្សាសិទ្ធិមនុស្សនៅក្នុងវិមានក្រឹម ឡាំងមុនពេលកិច្ចប្រជុំ G20 នៅក្នុងទីក្រុង Saint Petersburg ថា៖«មានតែក្រុមប្រឹក្សាសន្តិសុខអសបតែប៉ុណ្ណោះដែលអាចផ្ដល់ការ យល់ព្រមឲ្យប្រើកម្លាំងប្រឆាំងនឹងរដ្ឋមួយទៀតបាន»។
កាលពីមុនពេលរសៀលនេះ លោកប្រធានាធិបតីរុស្ស៊ីបានបង្ហាញថា រុស្ស៊ីអាចយល់ព្រមឲ្យមានការវាយប្រហារយោធាទៅលើស៊ីរី លុះត្រាតែលោកខាងលិចបានបង្ហាញភស្តុតាងជាក់ស្ដែងពីឧក្រិដ្ឋកម្ម អាវុធគីមី។
No comments:
Post a Comment