ចិនប្រាប់អាស៊ានទុករឿងសមុទ្រចិនមិនសំខាន់ ដោយផ្តោតលើសេដ្ឋកិច្ច
ភ្នំពេញប៉ុស្តិ៍ ០៤-០៩-២០១៣
ប្រព័ន្ធផ្សព្វផ្សាយព័ត៌មានរដ្ឋបានរាយការណ៍កាលពីថ្ងៃពុធថា ពាណិជ្ជកម្មរបស់ចិនជាមួយអាស៊ីអាគ្នេយ៍អាចកើនឡើងទ្វេដងរហូតដល់១ ពាន់ពាន់លានដុល្លារអាមេរិកត្រឹមឆ្នាំ ២០២០ ដែលលោកនាយករដ្ឋមន្ដ្រី Li Keqiang បានប្រាប់មេដឹកនាំក្នុងតំបន់ ដែលចាត់ទុកដល់ជម្លោះទឹកដីកំពុងឆេះងំថា ជារឿងមិនសំខាន់ និងការបញ្ជាក់ពីជោគវាសនារួមរបស់ខ្លួន។
ភ្នាក់ងារសារព័ត៌មានស៊ិនហួរផ្លូវការបានរាយការណ៍ថា លោក Li Keqiang បានអំពាវនាវឲ្យកែប្រែកិច្ចព្រមព្រៀងពាណិជ្ជកម្មសេរីរវាង ភាគីទាំងពីរកាន់តែប្រសើរ ហើយបានស្នើថា កត្តាដែលនាំឲ្យមានការអាក់ខាន មិនគួរមាននៅក្នុងកិច្ចសហប្រតិបត្តិការក្នុងតំបន់នោះទេ ។
ស៊ិនហួរបានបន្តថា ពាណិជ្ជកម្មនេះបានកើនឡើង ៦ ដងក្នុងរយៈពេលមួយទសវត្សរ៍កន្លងមករហូតដល់ ៤០០ ពាន់លានដុល្លារអាមេរិកកាលពីឆ្នាំ ២០១២ រវាងប្រទេសចិន និងបណ្ដាប្រទេសជាសមាគមអាស៊ាន ១០ ប្រទេស។
ប៉ុន្តែទីក្រុងប៉េកាំងទាមទារយកសមុទ្រចិនខាងត្បូងស្ទើរតែ អស់សូម្បីតែផ្ទៃទឹកនៅជិតឆ្នេររបស់ប្រទេសជិតខាងខ្លួន ដែលគេជឿថាជាកន្លែងមានស្រទាប់រ៉ែប្រេង និងឧស្ម័នធម្មជាតិដ៏ច្រើនបំផុត ហើយបានបង្កើនការការពារលើបញ្ហាជម្លោះនេះអស់រយៈពេលប៉ុន្មាន ឆ្នាំថ្មីៗនេះ។
លោក Li Keqiang បានចាត់ទុកជម្លោះនេះថាមិនសំខាន់ខណៈការថ្លែងសុន្ទរកថានៅក្នុង ពិព័ណ៌ចិន-អាស៊ានលើកទី១០ និងកិច្ចប្រជុំកំពូលពាណិជ្ជកម្មនិងការវិនិយោគនៅក្នុងទីក្រុង ណាននីងភាគខាងត្បូងដែលបញ្ជាក់ជាថ្មីពីការអំពាវនាវរបស់ចិនឲ្យ មានការពិភាក្សា។
No comments:
Post a Comment