លោកស្រីមើរកែលលើកពីប្រវត្តិសេដ្ឋកិច្ចក្នុងការឃោសនាដេញដោលគ្នា
ភ្នំពេញប៉ុស្តិ៍ ០៣-០៩-២០១៣
ក្រុងប៊ែរឡាំងៈ ខណៈការបោះឆ្នោតនៅអាល្លឺម៉ង់នៅសល់ពេលបីសប្ដាហ៍ទៀតពីថ្ងៃចន្ទ លោកស្រីអធិការបតីអែនជេឡា មើរកែលបានចង្អុលយ៉ាងស្ងៀមស្ងាត់ ទៅកាន់ប្រវត្តិរបស់លោកស្រីក្នុងការដឹកនាំប្រទេសសេដ្ឋកិច្ចធំ បំផុតនៅអឺរ៉ុបនេះដោយសុវត្ថិភាពឆ្លងកាត់វិបត្តិតំបន់ចាយប្រាក់ អឺរ៉ូក្នុងកិច្ចពិភាក្សាដេញដោលតាមទូរទស្សន៍តែមួយគត់ជាមួយ គូប្រជែងកណ្ដាលឆ្វេងនិយមរបស់លោកស្រី។
ក្នុងពេលជាមួយគ្នានេះ លោក Peer Steinbrueck នៃបក្សប្រជាធិបតេយ្យសង្គម បានបង្ហាញពីចក្ខុវិស័យរបស់លោកនៃប្រទេសអាល្លឺម៉ង់ដែលមានយុត្តិធម៌ សង្គមកាន់តែច្រើននិងសម្រាប់សាមគ្គីភាពកាន់តែច្រើនក្នុងអឺរ៉ុបទោះ ជាយ៉ាងណា ដោយគ្មានការវាយប្រហារដោយវោហារសាស្ត្រដែលមើលទៅទំនងជាបិទគម្លាត ស្ទង់មតិដ៏ធុញទ្រាន់។
លោកស្រី មើរកែលដែលជារឿយៗត្រូវបានបោះឆ្នោតជាអ្នកនយោបាយមានប្រជាប្រិយ បំផុតនៅអាល្លឺម៉ង់បានចង្អុលទៅកាន់កំណើនសេដ្ឋកិច្ចនិងអត្រាគ្មាន ការងារធ្វើទាបនិងបានព្យាយាមធានាជាថ្មីដល់អ្នកបោះឆ្នោតរាប់លាន នាក់ថាបើសិនជាលោកស្រីឈ្នះឆ្នោតអាណត្តិទីបីអាល្លឺម៉ង់នឹងស្ថិត នៅក្នុងដៃសុវត្ថិភាព។
ដោយពាក់ខ្សែកពណ៌ជាតិក្រហមខ្មៅនិងមាសនៅក្នុងកិច្ចពិភាក្សា ដេញដោលដ៏ក្តៅគគុកនៅក្នុងកិច្ចសន្ទនាតាមប្រព័ន្ធទ្វីតធើរមួយ លោកស្រីមើរកែលបានថ្លែងថា៖ «អាល្លឺម៉ង់គឺជាក្បាលម៉ាស៊ីននៃកំណើននិងជាយុថ្កាដើម្បី ស្ថិរភាព»។
ការស្ទង់មតិមុននេះដោយវិទ្យាស្ថានForsa សម្រាប់ទូរទស្សន៍RTL បានប្រកាសថាលោកស្រីមើរកែលជាអ្នកឈ្នះកិច្ចពិភាក្សាដេញដោលនេះ ដោយនាំមុខក្នុងគម្លាតប្រកៀកប្រកិត៤៤-៤៣។ទោះយ៉ាងណាការស្ទង់មតិ ផ្សាយតាមទូរទស្សន៍រដ្ឋARD បាននិយាយថា លោក Steinbrueck កំពុងតែមានការជឿជាក់បន្ថែមទៀតក្នុងការនាំមុខ៤៩-៤៤វិញ។
ក្នុងបទអត្ថាធិប្បាយតាមអ៊ីនធឺណិតកាសែតលក់ដាច់បំផុត Bild បាននិយាយថាបេក្ខជនទាំងពីរមើលទៅល្អដោយវិនិច្ឆ័យលទ្ធផលនោះ ខណៈ«លោក Steinbrueck រឹងមាំលោកស្រី មើរកែល មហាក្សត្រិយានី»។ គេហទំព័រព័ត៌មានSpiegel បានផ្ដល់លទ្ធផលមិនកក់ក្ដៅទេនៃការពិភាក្សានេះថា«សូន្យទល់សូន្យ »។
លោកស្រីមើរកែលក៏បានគូសបញ្ជាក់ថារដ្ឋាភិបាលរបស់លោកស្រីកំពុង កាត់បន្ថយបំណុលរដ្ឋនិងបាននិយាយថា ការប្រកាន់តឹងតែងរបស់លោកស្រីចំពោះកំណែទម្រង់កំពុងទាមទារពីបណ្ដា ប្រទេសសេដ្ឋកិច្ចមានបញ្ហាក្នុងតំបន់ចាយប្រាក់អឺរ៉ូជាថ្នូរនឹងការ ទទួលបានថវិកាសង្គ្រោះនោះបានបង្ហាញពីសញ្ញាជោគជ័យ ដំបូង។
ការចោទប្រកាន់របស់លោក Steinbrueck គឺជារូបលោកស្រី មើរកែលប្រើអាកប្បកិរិយារង់ចាំមើលដោយស្ទាក់ស្ទើរ ក្នុងការប្ដូរថាមពលពីនុយក្លេអ៊ែរទៅជាថាមពលកកើតឡើងវិញឬក៏ក្នុង ការបំភ្លឺរឿងអាស្រូវលួចតាមអ៊ីនធឺណិតរបស់អាមេរិកនិងធ្វើឲ្យ ថ្នាក់ដឹកនាំជាតិនៅ«ទ្រឹង»៕
No comments:
Post a Comment